Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 104/2019 deste xulgado do social, seguido por instancia de Alfonso Rey Pérez contra María José Lorenzo Gómez, Fidel Derivados Cárnicos, S.L., Campiñas de Laíño, S.A., Refojo y González, S.L., Fogasa e Juan Manuel Capella Pérez, se ditou a seguinte resolución cuxa parte dispositiva é do teor literal seguinte:
«Auto
Maxistrada xuíza: Ana María Souto González.
Santiago de Compostela, 8 de outubro de 2019
Parte dispositiva
Estímase parcialmente a excepción de incompetencia de xurisdición suscitada e declárase a competencia de xurisdición deste xulgado para coñecer da demanda de execución que deu orixe a este procedemento contra Fidel Derivados Cárnicos, S.L., pero non respecto de Campiñas de Laíño, S.A., Refojo y González, S.L. e Hipescar, S.L.
Notifíqueselles esta resolución ás partes na forma prevista no artigo 248.4 da Lei orgánica do poder xudicial, e fágaselles saber que contra ela non cabe recurso, sen prexuízo de poder reproducir a cuestión no xuízo e, de ser o caso, no recurso contra a sentenza.
Así o pronuncia, manda e asina. Dou fe.
A maxistrada A letrada da Administración de xustiza»
Para que sirva de notificación en legal forma a Fidel Derivados Cárnicos, S.L., en ignorado paradoiro, expido este edicto para a súa inserción no Diario Oficial de Galicia.
Santiago de Compostela, 9 de outubro de 2019
A letrada da Administración de xustiza