Divorcio contencioso 1475/2018
Sobre divorcio contencioso
Demandante: María del Carmen Gómez Rodríguez
Procurador: Fernando González-Concheiro Álvarez
Demandado: José Manuel Vilas Couso
No procedemento de referencia ditouse a sentenza cuxo encabezamento e resolución son do teor literal seguinte:
Sentenza número 381/19
Santiago de Compostela, 24 de setembro de 2019
Vistos por min, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial, o presente xuízo de divorcio número 1475/2018 promovido polo procurador Sr. González-Concheiro Álvarez, en nome e representación de María del Carmen Gómez Rodríguez, asistida do letrado Sr. Moure López, fronte a José Manuel Vilas Couso, declarado en rebeldía procesual, con intervención da representante do Ministerio Fiscal, dada a concorrencia de menor de idade.
Decido que, estimando substancialmente a demanda de divorcio interposta polo procurador Sr. González-Concheiro Álvarez, en nome e representación de María del Carmen Gómez Rodríguez, asistida do letrado Sr. Moure López, fronte a José Manuel Vilas Couso, declarado en rebeldía procesual, con intervención da representante do Ministerio Fiscal, dada a concorrencia de menor de idade, procede decretar a disolución por divorcio do matrimonio contraído por ambos os litigantes o día 1.7.1994, en Ames, inscrito no Rexistro Civil desa localidade no tomo 26, páxina 48, sección 2ª, e as seguintes medidas definitivas:
1º. Atribución á demandante en exclusiva do exercicio da patria potestade ao abeiro do artigo 156 do Código civil nos ámbitos e cuestións educativas, médicas sanitarias (incluídos tratamentos e terapias), así como as atinentes á fixación de domicilio, empadroamento e demais xestións administrativas complementarias.
2º. Atribución á demandante da garda e custodia sobre o menor Gabriel e, en consecuencia, atribución á demandante do uso da vivenda que foi domicilio conxugal sita na avenida da Mahía 46, 3º A, de Bertamiráns, Ames.
3º. Ausencia de fixación de calquera réxime de estadías e comunicación en favor do demandado.
4º. A fixación dunha pensión de alimentos de 400 €/mes, que se aboará na conta bancaria que designe a demandante nos cinco primeiros días de cada mes, con actualización anual na data do 1 de xaneiro de cada ano conforme a variación anual precedente do IPC.
Inclúense na contía da pensión de alimentos os gastos ordinarios tales como o ensino regulado, comedor, seguro, excursións ou actividades escolares ordinarias fóra do centro, libros de texto e restante material escolar, uniformes, vestiario e accesorios de uso escolar.
A pensión de alimentos devindicarase desde a data de interposición da demanda pero deberán descontarse en sede de ulterior execución de título xudicial os aboamentos que tivese efectuado o demandado desde novembro de 2018 e ata a data desta sentenza (artigo 148 do Código civil).
5º. Procede, así mesmo, fixar o aboamento por metade dos gastos extraordinarios do menor.
Merecerán a consideración de gastos extraordinarios, entre outros, os derivados da atención do dito menor de idade en sanidade privada por enfermidades, o custo pola adquisición ou uso de próteses, o custo doutras actividades médicas ou cirúrxicas non cubertas pola Seguridade Social e os gastos farmacéuticos inherentes a estas ou calquera outro similar, incluída a matrícula, se é o caso, e nun futuro en universidades privadas, etc. e, por fin, calquera de análoga natureza aos antes descritos sempre que sexan diferentes dos expresamente previstos antes ao fixar de xeito previo a contía da pensión de alimentos.
Calquera incidente en sede de gastos extraordinarios dilucidarase nos termos do artigo 776.4 da Lei de axuizamento civil, máis os gastos antes enunciados e os de análoga natureza serán susceptibles de execución de título xudicial de xeito inmediato.
Ademais, a falta de oposición expresa á comunicación de calquera outro gasto extraordinario nun prazo de dez días por calquera medio fidedigno (SMS, correo electrónico, fax, etc.) equivalerá ao seu consentimento tácito e eximirá a parte que efectuou tales gastos do incidente previo do artigo 776.4 da Lei de axuizamento civil.
6º. Procede, así mesmo, fixar en favor desta e a cargo do demandado unha pensión compensatoria temporal de 175 €/mes durante 7 anos, que se aboará na conta bancaria que designe a demandante nos cinco primeiros días de cada mes con actualización anual na data do 1 de xaneiro de cada ano conforme a variación anual precedente do IPC.
Firme que sexa a presente resolución, remítanse os preceptivos oficios e exhortos para realizar as obrigadas anotacións rexistrais.
Non procede efectuar especial pronunciamento sobre as custas do presente proceso.
Esta resolución non é firme e fronte a ela cabe interpoñer recurso de apelación nos prazos e termos previstos na vixente Lei de axuizamento civil para a súa resolución pola Audiencia Provincial da Coruña (artigos 458 ss. e 776 da Lei de axuizamento civil), logo de consignación do depósito previsto na disposición adicional décimo quinta da LOPX.
Así, por esta miña sentenza, pronúncioo, mándoo e asínoo, Roberto Soto Sola, maxistrado titular do Xulgado de Primeira Instancia número 6 desta localidade e o seu partido xudicial.
Publicación. Lida e publicada a anterior resolución en audiencia pública polo xuíz que a ditou, no día da data, dou fe.
E como consecuencia do ignorado paradoiro de José Manuel Vilas Couso, expídese a presente para que sirva de cédula de notificación.
Santiago de Compostela, 1 de outubro de 2019
A letrada da Administración de xustiza
