O 16 de setembro de 2019 o director xeral de Desenvolvemento Rural ditou resolución de modificación do acordo de concentración parcelaria da zona de Monte Val do Vea, sector II (A Estrada-Pontevedra):
O acordo da zona de concentración parcelaria de Monte Val do Vea, sector II (A Estrada-Pontevedra), foi aprobado pola dirección xeral competente na materia con data do 22 de agosto de 2012 e na actualidade encóntrase pendente de declaración de firmeza.
Con posterioridade a estes actos, o Concello da Estrada solicitou a cesión da titularidade dos predios para os fins que seguidamente se indican:
• Predio nº 42 para cargadoiro de madeira.
• Predio nº 122 para área de lecer Pasarela Xirimbao.
• Predio nº 123 para área de lecer Pasarela Xirimbao.
• Predio nº 149 para ampliación dunha curva.
• Predio nº 154 para aparcadoiro.
• Predio nº 187 para cargadoiro de madeira.
• Predio nº 357 para cargadoiro de madeira.
• Predio nº 474 para cargadoiro de madeira.
• Predio nº 497 para área de lecer.
• Predio nº 589 contorna Fonte do Santo.
• Predio nº 592 para área de lecer.
• Predio nº 688 para cargadoiro de madeira.
• Predio nº 766 para depósito de repartición de augas.
• Predio nº 828 para depósito de repartición de augas.
• Predio nº 920 para ampliación do espazo do colexio público Villar Paramá de Souto de Vea.
• Predio nº 951 para cargadoiros de madeira.
• Predio nº 997 para ampliación do local social.
Vista a proposta da xunta local da zona, a Lei de reforma e desenvolvemento agrario, do 12 de xaneiro de 1973; a disposición transitoria primeira da Lei 4/2015, do 17 de xuño, de mellora da estrutura territorial agraria de Galicia; a Lei de reforma e desenvolvemento agrario, do 12 de xaneiro de 1973; a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro; a Lei 39/2015, do 1 de outubro, do procedemento administrativo común das administracións públicas, e demais disposicións vixentes de aplicación ao caso.
Dados os destinos para os que se solicitan os referidos predios, e respecto dos que se entende que é perfectamente subsumible no suposto recollido no artigo 32 da antedita lei galega, esta dirección xeral resolve:
1. Modificar o acordo de concentración parcelaria da zona de Monte Val do Vea, sector II (A Estrada-Pontevedra), e adxudicar ao Concello da Estrada a titularidade dos predios nº 42, 122, 123, 149, 154, 187, 357, 474, 497, 589, 592, 688, 766, 828, 920, 951 e 997, que causan baixa no Fondo de terras da zona, para seren destinados aos fins que se recollen na parte expositiva da presente resolución.
Transcorridos cinco anos desde a cesión das propiedades, sen que os predios fosen destinados ao fin para os cales son adxudicados, a titularidade dos referidos predios reverterá sobre o Fondo de terras da zona, o patrimonio da Comunidade Autónoma, a Axencia Galega de Desenvolvemento Rural (Agader) ou outra entidade que corresponda, segundo o caso.
2. Ordenar que á presente resolución se lle dea a oportuna publicidade, sen prexuízo da súa notificación ao Concello da Estrada.
Contra esta resolución, que non é definitiva na vía administrativa, poderase interpor recurso de alzada ante a persoa titular da Consellería do Medio Rural no prazo dun mes, que se contará desde o día seguinte ao da publicación desta resolución.
Pontevedra, 15 de outubro de 2019
Antonio Crespo Iglesias
Xefe territorial de Pontevedra