O Pleno municipal, na sesión que tivo lugar o 12 de setembro de 2019, adoptou entre outros o seguinte acordo:

Primeiro. Aprobar o documento redactado polo Departamento de Planeamento, denominado Execución da Sentenza número 70/2018, do 15 de febreiro, do Tribunal Superior de Xustiza de Galicia, ditada no procedemento ordinario 4199/2015, contra o Plan especial de protección e reforma interior da Coruña, no Cantón Pequeno, 27, que contén a modificación na ficha e plano número 5.12 nos termos sinalados na Sentenza 70/2018, do 15 de febreiro, ditada pola Sección Segunda da Sala do Contencioso-Administrativo do Tribunal Superior de Xustiza de Galicia.

Segundo. Publicar o acordo de aprobación definitiva no Diario Oficial de Galicia, remitir o documento aprobado á Consellería de Medio Ambiente, Territorio e Vivenda, para os efectos da súa inscrición no Rexistro de Planeamento Urbanístico de Galicia, e publicar a normativa no Boletín Oficial da provincia.

Terceiro. Comunicar este acordo ao Tribunal Superior de Xustiza de Galicia no marco da execución da sentenza ditada no PO 4199/2015.

O contido íntegro do documento aprobado pódese consultar nas dependencias municipais de Urbanismo, no enderezo electrónico https.www.coruna.gal/urbanismo na epígrafe «planeamiento/planeamiento vigente», ou ben, desde a mesma web, a través do «Visor estado desarrollo PGOM 2013».

Contra este acordo, con carácter de disposición administrativa de carácter xeral, cabe interpoñer directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento) no prazo de dous meses, que se contarán a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme dereito.

A Coruña, 27 de setembro de 2019

A alcaldesa
P.D. (Decreto 3847/2019, do 27.6.2019)
María Hernández García
Directora da Área de Urbanismo