Eu, María Blanco Aquino, letrada da Administración de xustiza do Xulgado do Social número 2 da Coruña, fago saber que no procedemento de despedimento/cesamentos en xeral 129/2019 deste xulgado do social, seguido contra a empresa Compostic Coruña, S.L., sobre despedimento, ditouse a seguinte resolución, cuxa parte dispositiva se xunta:
«Sentenza
Na Coruña o tres de xullo de dous mil dezanove
Jorge Hay Alba, maxistrado do Xulgado do Social número 2 da Coruña, despois de ver os presentes autos seguidos neste xulgado co número 129/19 en que son parte, dun lado como demandante Esperanza Muño Caamaño, representada polo letrado Pedro Pedreira Candal, e como demandado Compostic Coruña, S.L. e o Fogasa, que non comparecen, sobre despedimento, pronunciou en nome do rei, a seguinte sentenza
Antecedentes de feito
Primeiro. A parte demandante presentou demanda que por quenda correspondeu a este Xulgado do Social número 2 da Coruña, na cal, tras expoñer os feitos e alegar os fundamentos de dereito que considerou pertinentes, remataba suplicando que se ditase sentenza conforme o pedido.
Segundo. Admitida a trámite a devandita demanda, sinalouse a celebración do acto de xuízo e este celebrouse na data sinalada en todas as súas fases co resultado que consta na acta redactada para o efecto e que quedou debidamente gravado no correspondente soporte CD. Unha vez concluído o acto do xuízo, quedaron os autos vistos para ditar sentenza.
Terceiro. Na tramitación dos presentes autos observáronse as normas legais de procedemento.
Decido que, estimando a demanda interposta por Esperanza Miño Caamaño, con citación do Fogasa, contra a empresa Compostic Coruña, S.L., debo declarar e declaro improcedente o despedimento efectuado á demandante e condeno a demandada a que, no prazo de cinco días desde a data da notificación da sentenza, opte entre a readmisión inmediata da demandante, nas mesmas condicións que posuía con anterioridade, ou o aboamento dunha indemnización de 4.826,69 euros. No caso de que opte pola readmisión, o traballador terá dereito aos salarios de tramitación, que ascenden 39,89 €/día.
Notifíquese esta resolución ás partes ás cales se fará saber que contra ela só cabe recurso de suplicación ante o Tribunal Superior de Xustiza de Galicia, debendo anuncialo ante este xulgado no prazo de cinco días contados a partir da notificación desta sentenza e, no propio termo, se o recorrente non goza do beneficio de xustiza gratuíta deberá ao anunciar o recurso entregar xustificante acreditativo de ter consignado a cantidade obxecto de condena na conta de depósitos e consignacións que este xulgado ten aberta no Banco de Santander desta cidade.
E, igualmente, deberá no momento de interpoñer o recurso consignar a suma de 300 euros en concepto de depósito especial para recorrer.
Así por esta miña sentenza, definitivamente xulgando, pronúncioo, mándoo e asínoo.
Publicación. Expídoa eu, letrada da Administración de xustiza, para facer constar que, na mesma data da sentenza, se deposita na secretaria deste xulgado a anterior sentenza para a súa notificación e publicidade na forma permitida e ordenada pola constitución e as leis. Seguidamente, líbrase testemuño da sentenza para a súa unión aos autos. Dou fe».
E para que sirva de notificación en legal forma a Compostic Coruña, S.L., en ignorado paradoiro, expido a presente para a súa inserción no Diario Oficial de Galicia.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 8 de xullo de 2019
A letrada da Administración de xustiza
