Eu, María Mercedes Santos García, letrada da Administración de xustiza do Xulgado do Social número 5 da Coruña, fago saber que no procedemento ordinario 557/2018 deste xulgado do social, seguido por instancia de Fabián Carracedo Canosa contra Seguridad y Planificación de Galicia, S.L., Fogasa e administración concursal de Seguridad y Planificación de Galicia, S.L., sobre ordinario, se ditou a Sentenza do 12 de xuño de 2019, cuxa resolución é do teor literal seguinte:

Resolvo que debo estimar e estimo a demanda que en materia de cantidade foi interposta por Fabián Carracedo Canosa contra a entidade Seguridad y Planificación de Galicia, S.L. e a súa administración concursal e, en consecuencia, debo condenar e condeno a entidade Seguridad y Planificación de Galicia, S.L. a que lle aboe ao demandante a cantidade de 884,18 euros brutos por diferenzas de pagas extras de decembro de 2017 e beneficios de 2018, e falta de aviso previo, incrementadas no xuro do 10 % por mora e aplicable aos conceptos salariais, con imposición das custas deste procedemento, que incluirán os honorarios do letrado co límite de 600 euros.

Coa intervención do Fondo de Garantía Salarial.

Notifíqueselles esta resolución ás partes e fágaselles saber o seu dereito a interpor contra ela recurso de suplicación, ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Advírtaselle ao recorrente que non sexa traballador ou beneficiario do réxime público da Seguridade Social, ou habente causa seu, ou que non teña recoñecido o beneficio de xustiza gratuíta, que deberá depositar a cantidade de 300 € do depósito especial indicado no artigo 229.1.a) da Lei reguladora da xurisdición social (as ditas cantidades deberán ser aboadas, se é por transferencia bancaria, na conta que este xulgado ten no Banco Santander co número ES55 0049 3569 92 0005001274, e sinalar en “Concepto” os seguintes díxitos: 4757000065 e número de expediente con seis (6) díxitos (catro (4) para o número e dous (2) para o ano) e, se é fisicamente, nunha oficina do Banco Santander na conta número 4757000065 e número de expediente con seis (6) díxitos (catro (4) para o número e dous (2) para o ano), acreditando mediante a presentación do xustificante de ingreso no período comprendido ata a formalización do recurso, así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado a cantidade obxecto de condena, ou formalizar aval bancario pola dita cantidade, en que se faga constar a responsabilidade solidaria do avalista, incorporándoos a este xulgado co anuncio de recurso.

En todo caso, o recorrente deberá designar letrado para a tramitación do recurso, no momento de anuncialo.

Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.

Así o pronuncio, mando, e asino por esta miña sentenza.

Para que lle sirva de notificación en legal forma a Seguridad y Planificación de Galicia, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 20 de xuño de 2019

A letrada da Administración de xustiza