Para os efectos de darlle cumprimento ao solicitado polo Xulgado do Contencioso-Administrativo número 2 de Ourense, en relación co procedemento abreviado número 116/2019, interposto por Carmen Gallego Alonso, contra a resolución ditada polo director da Axencia de Protección da Legalidade Urbanística o 7 de marzo de 2019, na que se declara ilegalizables as obras executadas en solo de núcleo rural, consistentes na construción dun alboio de planta baixa con paredes e teito de cuberta en chapa ondulada sobre estrutura metálica, no polígono 42, parcela 12, A Veiga das Meás, Concello de Vilardevós, e ordena a súa demolición, a reposición dos terreos afectados ao estado anterior ao inicio das obras e o cesamento definitivo dos usos a que desen lugar, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Ourense.

Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas –LPACAP–, notifícaselle por medio dun anuncio publicado no Boletín Oficial del Estado) se empraza a Ángel García Suárez para que poida presentarse como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 21 de xuño de 2019

José Antonio Cerdeira Pérez
Director da Axencia de Protección da Legalidade Urbanística