Para os efectos de darlle cumprimento ao solicitado polo Xulgado do Contencioso-Administrativo número 3 de Pontevedra, en relación co procedemento ordinario número 146/2019, interposto por Manuel Antonio Tomé Otero, contra a resolución ditada polo director da Axencia de Protección da Legalidade Urbanística o 8 de outubro de 2018, que desestima o recurso potestativo de reposición, interposto contra a Resolución do 6 de outubro de 2016, expediente POL/60/2015-RP1, en que se ordena a restitución das cousas e a súa reposición ao estado anterior a comisión da infracción, procedendo a demolición das obras de construción C1, coa referencia catastral urbana E50426800NG0001ZX, C5 e C6, que se atopan nas parcelas catastrais 36008A018006500000JS e 36008A018006500000JZ, no lugar de Castros, Area das Patas, Nerga, O Hío, Concello de Cangas, esta dirección resolveu ordenar a remisión do correspondente expediente ao Xulgado do Contencioso-Administrativo número 3 de Pontevedra.
Ao non poder realizarse a notificación persoal do emprazamento, mediante a presente cédula (que ao abeiro do disposto no artigo 44 da Lei 39/2015, do procedemento administrativo común das administracións públicas (LPACAP), notifícaselle por medio dun anuncio publicado no Boletín Oficial del Estado) se empraza a Félix Migueles Couñago para que poida presentarse como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 21 de xuño de 2019
José Antonio Cerdeira Pérez
Director da Axencia de Protección da Legalidade Urbanística