Eu, María Regina Domínguez Cougil, letrada da Administración de xustiza do Xulgado de Primeira Instancia número 1 de Ourense, fago saber que no presente procedemento, seguido por instancia de Tito Pérez Jácome fronte a Urgasa, S.A., se ditou sentenza, cuxo encabezamento e resolución son do teor literal seguinte:

Sentenza número 12/2018.

Ourense, 30 de xaneiro de 2019.

María del Pilar Domínguez Comesaña, maxistrada xuíza do Xulgado de Primeira Instancia número 1 dos desta cidade, viu os autos de xuízo ordinario número 510/2017, promovidos polo procurador Ramón Montero Rodríguez, en representación de Tito Pérez Jácome e asistido polo letrado José Luis Darriba Núñez, contra Urgasa, S.A., en situación procesual de rebeldía. Versan os presentes autos sobre rectificación de escritura pública.

Resolución, que estimando integramente a demanda interposta polo procurador Ramón Montero Rodríguez, en representación de Tito Pérez Jácome contra Urgasa, S.A., condénase a dita mercantil a consentir a rectificación da escritura pública do 20 de decembro de 2001, outorgada ante o notario de Madrid Víctor Manuel Garrido de Palma, número tres mil douscentos trinta e dous do seu protocolo, no sentido de substituír o predio alí identificado como transmitido polo predio correcto: predio de Ourense nº 29107. Vivenda, letra A, da planta terceira dun edificio sinalado co número tres, no lugar de Erbedelo desta capital, construído en parte do soar que constitúe o bloque sete, polígono A. Mide a superficie construída de cento cinco metros cadrados e útil de oitenta e tres metros cadrados. Consta de vestíbulo, sala de estar comedor, tres dormitorios, baño, cociña e corredor de comunicación. Linda: fronte, corredor de escaleiras, ascensor, patio de luces e vivenda letra D da súa planta; fondo, predio matriz; dereita, bloque número dous; e esquerda, vivenda letra B da súa planta. Porcentaxe de valoración: cinco enteiros cincuenta centésimas con relación a cen enteiros: é o predio dezaseis do edificio.

Inscrición. Inscrito no Rexistro da Propiedade número 1 de Ourense, no folio 40 do libro 338, tomo 1057, predio número 29.107, Inscrición 1ª.

Referencia catastral 2387104NG9828N0025IA.

As custas impóñenselle á demandada.

Notifíquese a presente resolución ás partes e fágaselles saber que contra ela caberá interpor recurso de apelación no prazo dos vinte días seguintes ao da súa notificación, ante este xulgado e na forma indicada no artigo 458 LAC.

Así, por esta sentenza, pronúncioa, mándoa e asínoa.

E ao estar o dito demandado, Urgasa, S.A., en paradoiro descoñecido, expídese este edicto co fin de que lle sirva de notificación en forma.

Ourense, 31 de xaneiro de 2019

A letrada da Administración de xustiza