O Pleno do Concello de Paradela, na sesión extraordinaria que tivo lugar o 22 de maio de 2019, adoptou o acordo de aprobación inicial da modificación puntual número 2 do Plan xeral de ordenación municipal en dous ámbitos de solo urbano de Pacios-Paradela.
De acordo co establecido no artigo 60 da Lei 2/2016, do 10 de febreiro, do solo de Galicia, sométese ao trámite de información pública o mencionado acordo durante o prazo de dous meses para os efectos de que os interesados examinen o expediente e presenten as alegacións e reclamacións que consideren oportunas.
Suspéndese o outorgamento de licenzas naqueles ámbitos do territorio obxecto de planeamento cuxas novas determinacións supoñan a modificación da ordenación urbanística vixente. A duración da suspensión é de dous anos máximo, contados desde a dita aprobación e en calquera caso extinguirase coa aprobación definitiva da modificación do planeamento, tal e como se prevé na Lei 2/2016.
As áreas afectadas pola suspensión son as seguintes:
As determinacións previstas na presente modificación inciden unicamente no cambio de cualificación do solo urbano, nos ámbitos 1 (parcelas catastrais 27042A01000224, 7361001PH1376S, 7361003PH1376S, M00400500PH13F e 7361002PH1376S) e ámbito 2 (referencia catastral 7460010PH1376S0001AS), segundo o indicado nos planos 1 e 2 da modificación puntual e do resumo executivo.
Paradela, 23 de maio de 2019
José Manuel Mato Díaz
Alcalde presidente