O Pleno do Concello, en sesión ordinaria que tivo lugar o día 30 de abril de 2019, adoptou, entre outros, o seguinte acordo ao abeiro do disposto no artigo 42.5 da Lei 2/2016, do 10 de febreiro, do solo de Galicia:

Prestar aprobación ao documento para cambio de uso dotacional en parcela de equipamento deportivo e espazos libres por equipamento residencial público, con data de marzo de 2019, redactado polo arquitecto Alejandro García Virosta e, en consecuencia, suprimir a adscrición para equipamento deportivo da parcela de referencia catastral 9416601NJ5191N0001MW, sita no lugar do Baño, cualificada como solo urbano, autorizándose, polo tanto, o uso de equipamento residencial nunha das súas partes que representa unha superficie de 3.514,50 m2 e mantendo en todo caso a titularidade pública.

Contra este acordo poderase interpoñer directamente recurso contencioso-administrativo, ante o Tribunal Superior de Xustiza de Galicia, no prazo de dous (2) meses contados a partir do día seguinte ao da publicación deste anuncio.

O que se fai público para xeral coñecemento.

Mugardos, 15 de maio de 2019

María Pilar Díaz Otero
Alcaldesa