Anúnciase que a Xunta de Goberno Local, en sesión ordinaria do 2 de maio de 2019, adoptou, entre outros, o seguinte

ACORDO:

10. Aprobación provisional do documento da revisión e adaptación do Plan xeral de ordenación urbana de 1986 segundo a versión refundida de novembro de 2017, coas correccións introducidas con datas 19.12.2017 e 24.5.2018 (expte. planeamento 2010002650).

A Xunta de Goberno local, de conformidade coa proposta e advertindo e corrixindo neste acto un erro no parágrafo 4) do acordo, de forma que, onde dicía: «(... 6.5.2018 ...)», debería dicir: «(... 6.6.2018 ...)»; por unanimidade dos asistentes (10 votos a favor), acordou:

1. Asumir a proposta de resolución de alegacións presentadas polas personas físicas e xurídicas e demais suxeitos lexitimados formulada no informe do equipo redactor da revisión e adaptación do Plan xeral de ordenación urbana de 1986 e presentada con data do 23 de marzo de 2018 no rexistro xeral municipal.

2. Aprobar provisionalmente o documento de aprobación provisional (DAP) da revisión e adaptación do Plan xeral de ordenación urbana de 1986, segundo a versión refundida con de data novembro de 2017, coas correccións posteriores inseridas o 19 de decembro de 2017 e o 24 de maio de 2018.

3. Remitir o documento completo debidamente dilixenciado á Xunta de Galicia, Consellería de Medio Ambiente e Ordenación do Territorio, Dirección Xeral de Ordenación do Territorio e Urbanismo, para a emisión do informe previo á aprobación definitiva por parte do Concello de Ourense.

Todo isto de acordo cos informes emitidos no expediente con data 29.6.2018 polo Servizo de Planeamento e Xestión Urbanística, co informe do titular da Asesoría Xurídica do 16.4.2019 e co informe do Consello Consultivo do 6.6.2018, que constan todos eles no expediente.

Réxime de recursos:

De conformidade co disposto no artigo 107 da Lei 30/1992, por tratarse dun acto de trámite que non decide directa ou indirectamente o fondo do asunto, nin determina a imposibilidade de continuar o procedemento, nin produce indefensión ou prexuízo irreparable a dereitos e intereses lexítimos, non cabe interpor ningún recurso administrativo, sen prexuízo de que os interesados formulen os que procedan contra o acordo que poña fin ao presente procedemento.

Ourense, 5 de xuño de 2019

Jesús Vázquez Abad
Alcalde presidente en funcións