Procedemento ordinario 531/2017

Sobre patria potestade

Demandante: Luz María Guerra Vilas

Procurador: Francisco Javier Almón Cerdeira

Avogado: Roberto Cons Lamas

Demandado: Wang Liao

Gema Antolín Pérez, letrada da Administración de xustiza do Xulgado de Primeira Instancia número 5 de Pontevedra, fago saber que no procedemento ordinario 531/2017 deste xulgado de primeira instancia, seguido por instancia Luz María Guerra Vilas contra Wang Liao, ditouse a seguinte resolución, cuxo encabezamento e parte dispositiva se adxunta:

«Sentenza

Na cidade de Pontevedra o 20 de novembro de 2018.

Guillermo de Miguel Ferrer, xuíz de reforzo do Xulgado de Primeira Instancia número 5 de Pontevedra, vendo os precedentes autos de xuízo ordinario número 531/2017 seguidos neste xulgado por instancia de Luz María Guerra Vilas, representada polo procurador Francisco Javier Almón Cerdeira e defendida polo letrado Roberto Cons Lamas, contra Wang Liao, en situación procesual de rebeldía, con intervención do Ministerio Fiscal».

«Resolución

Estimo parcialmente a demanda presentada polo procurador Francisco Javier Almón Cerdeira, en nome e representación de Luz María Guerra Vilas contra Wang Liao e, en consecuencia, acordo a suspensión da patria potestade de Wang Liao respecto á súa filla menor de idade Luz María Liao Guerra, quen permanecerá baixo a patria potestade exclusiva da súa nai Luz María Guerra Vilas, e sen que se estableza ningunha visita a favor do pai, sen prexuízo do seu dereito de reclamar as devanditas visitas acreditando así o seu interese no establecemento destas e sempre que iso redunde en beneficio da menor.

En canto á pensión de alimentos e gastos extraordinarios, deberá observarse o disposto na sentenza de garda, custodia e alimentos ditada polo Xulgado de Primeira Instancia e Instrución número 1 de Caldas de Reis o 20 de decembro de 2017.

Dada a natureza do presente procedemento, non procede realizar pronunciamento en canto ás custas procesuais.

Notifíquese esta resolución en forma legal ás partes, ás cales se advirte que contra esta cabe recurso de apelación para ante a Audiencia Provincial de Pontevedra no prazo de vinte días contados desde a súa notificación, que se substanciará polas regras establecidas na Lei de axuizamento civil.

Unha vez firme procédase á inscrición rexistral da privación da patria potestade acordada.

Así por esta miña sentenza, pronúncioo, mándoo e asínoo».

E para que sirva de notificación en legal forma a Wang Liao, en ignorado paradoiro, expido a presente para a súa inserción no Diario Oficial de Galicia.

Pontevedra, 14 de maio de 2019

A letrada da Administración de xustiza