DCT Divorcio contencioso 259/2018

Procedemento orixe:

Sobre divorcio contencioso

Demandante: María Sooner Bermúdez Romero

Procuradora: Ana María Fernández Núñez

Demandado: Eric Armin Perilla Acosta

«Sentenza

O Porriño, 9 de maio de 2019.

Teresa A. Fernández Muíños, xuíza titular do Xulgado de Primeira Instancia e Instrución número 1 do Porriño e do seu partido xudicial, viu e oíu os presentes autos sobre divorcio contencioso núm. 259/2018, seguidos por instancia de María Sooner Bermúdez Romero, representada procesualmente pola procuradora Sra. Fernández Núñez e asistida do letrado Sr. Rodríguez Alonso, contra Eric Armin Perilla Acosta, en situación de rebeldía procesual.

Antecedentes de feito.

Primeiro. Con data do 31 de maio de 2018, a procuradora dos tribunais Sra. Fernández Núñez, en nome e representación de María Sooner Bermúdez Romero, formulou demanda de divorcio contencioso contra Eric Armin Perilla Acosta na cal, con base nos feitos apuntados no seu escrito e alegando cantos fundamentos achou convenientes ao seu dereito, terminou suplicando que se dite sentenza pola que se acorde a disolución do matrimonio civil contraído por ambos os litigantes en San Sebastián de los Reyes o día 18 de novembro de 2009, inscrito no tomo 25, páxina 22, da sección 2ª do Rexistro Civil da devandita localidade, con todos os efectos inherentes a tal pronunciamento.

Segundo. Admitida a demanda e conferido o oportuno emprazamento ao demandado, este non compareceu nin deduciu escrito de contestación á demanda, polo que foi declarado en situación de rebeldía procesual en virtude de Dilixencia de Ordenación do 26 de abril de 2019.

Terceiro. Sinalada a vista para o día 9 de maio de 2019, no devandito acto, que se celebrou con incomparecencia do demandado, ratificou a demandante a súa pretensión e solicitou o recibimento do preito a proba, co contido que consta no soporte técnico de gravación e reprodución do son e da imaxe e que, en prol da brevidade, se dá por reproducido, feito o cal o cal emitiu a demandante o trámite de conclusións e quedaron as actuacións pendentes de ditar a resolución correspondente.

Cuarto. Na substanciación deste procedemento observáronse todas as prescricións e formalidades establecidas na lei.

Fundamentos de dereito.

Primeiro. Formula a procuradora dos tribunais Sra. Fernández Núñez, en nome e representación de María Sooner Bermúdez Castro, demanda de divorcio contencioso contra Eric Armin Perilla Acosta, na cal solicita a disolución por divorcio do matrimonio civil contraído por ambos os litigantes, con todos os efectos inherentes a tal pronunciamento, entre eles, a disolución do réxime económico matrimonial vixente. Consta acreditado que os litigantes contraeron matrimonio civil en San Sebastián de los Reyes o día 18 de novembro de 2009, tal e como reflicte a certificación literal da inscrición de matrimonio unida ás actuacións. Da referida unión conxugal non naceron fillos.

Segundo. Con suxeición ao disposto no artigo 86 do Código civil, “decretarase xudicialmente o divorcio, calquera que for a forma de celebración do matrimonio, a pedimento dun só dos cónxuxes, de ambos ou dun co consentimento do outro, cando concorran os requisitos e circunstancias exixidos no artigo 81”, precepto este que, pola súa vez, establece que “se decretará xudicialmente a separación, calquera que for a forma de celebración do matrimonio: 1º. A pedimento de ambos os cónxuxes ou dun co consentimento do outro, unha vez transcorridos tres meses desde a celebración do matrimonio. Á demanda xuntaráselle unha proposta de convenio regulador redactada conforme o artigo 90 deste Código. 2º. A pedimento dun só dos cónxuxes, unha vez transcorridos tres meses desde a celebración do matrimonio. Non será preciso o transcurso deste prazo para a interposición da demanda cando se acredite a existencia dun risco para a vida, a integridade física, a liberdade, a integridade moral ou liberdade e indemnidade sexual do cónxuxe demandante ou dos fillos de ambos ou de calquera dos membros do matrimonio. Á demanda xuntaráselle proposta fundada das medidas para regular os efectos derivados da separación.” Pide a demandante que se declare a disolución do vínculo conxugal con fundamento no artigo 86 do Código civil, en relación co artigo 81 do mesmo corpo legal, após acreditar cumpridamente tanto o cesamento da affectio maritalis entre as partes como a duración da convivencia conxugal durante o prazo trimestral mínimo requirido pola regulación; cesamento e duración que, polo demais, constitúen motivo necesario e suficiente para declarar xudicialmente a disolución do matrimonio dos litigantes por divorcio, con amparo na citada normativa.

Terceiro. Con suxeición ao disposto nos artigos 95.1 e 1435.3 do Código civil, a declaración xudicial de divorcio producirá a disolución da sociedade de lucrativas.

Cuarto. Dada a especial índole deste procedemento, non se efectúa expresa imposición das custas procesuais causadas.

Vistos os preceptos legais citados e demais de xeral e pertinente aplicación,

Decido

Que, estimando a demanda de divorcio promovida por María Sooner Bermúdez Castro, representada pola procuradora dos tribunais Sra. Fernández Núñez, contra Eric Armin Perilla Acosta, en situación de rebeldía procesual, debo declarar e declaro a disolución por divorcio do matrimonio civil contraído por ambos os litigantes en San Sebastián de los Reyes o día 18 de novembro de 2009, inscrito no tomo 25, páxina 22, da Sección 2ª do Rexistro Civil da devandita localidade, con todos os efectos legais inherentes a tal pronunciamento, en particular a disolución do réxime económico matrimonial de sociedade de lucrativas.

Non se fai expresa condena en custas.

Notifíquese esta resolución ás partes, con indicación de que non é firme e de que contra ela cabe interpor ante este xulgado recurso de apelación, nos prazos e cos requisitos que establecen os artigos 458 e seguintes da Lei de axuizamento civil, para a súa resolución pola Audiencia Provincial de Pontevedra.

Firme esta resolución, expídase testemuño dela ao encargado do Rexistro Civil de San Sebastián de los Reyes a fin de que practique as oportunas anotacións.

Así o pronuncio, mando e asino por esta miña sentenza, da cal se unirá certificación aos autos da súa razón, xulgando definitivamente nesta instancia.»

O Porriño, 9 de maio de 2019

A xuíza