María Dolores Prieto Rascado, letrada da Administración de xustiza do Xulgado de Primeira Instancia número 3 de Ourense, polo presente, anuncio:
No presente procedemento, seguido por instancia de Elisa Conde González, contra Rosa María Fernández Álvarez, ditouse sentenza cuxo contido é:
«Sentenza
Ourense, 3 de xullo de 2017
Vistos por Darío-Carpio Estévez Pérez, maxistrado xuíz encargado do Xulgado de Primeira Instancia número 3 dos desta cidade e o seu partido xudicial, os presentes autos de xuízo verbal civil número 569/2016, nos cales figuran como parte demandante Elisa Conde González, a quen representa o procurador Sr. Enríque Naharro e con asistencia do letrado Sr. Álvarez Porto, fronte a Rosa María Fernández Álvarez, a cal non compareceu, polo que é declarada en situación de rebeldía procesual.
Seguen feitos:
Fundamentos de dereito.
Catro. Custas: en aplicación do disposto no artigo 394.1 da LAC, as custas do presente procedemento deben ser impostas á parte demandada ao resultar de aplicación o criterio do vencemento.
Decido que debo estimar como estimo a demanda interposta polo procurador Sr. Enríquez Naharro, actuando en nome e representación de Elisa Conde González, fronte a Rosa María Fernández Álvarez, e na devandita razón, esta última demandada debe levar a cabo as obras necesarias de reparación que impidan que se sigan producindo as filtracións ao piso inferior D, propiedade da demandante sito na planta 1ª do mesmo edificio, e ademais, aboar á demandante a cantidade de 193,60 euros con aplicación dos xuros legais do artigo 1108 CC desde a interpelación xudicial ata a data desta sentenza, e os do artigo 576 da LAC, desde a data de notificación da sentenza ata o completo pagamento da cantidade resultante.
En canto a custas, obsérvese o disposto no apartado correspondente.
Contra esta resolución non cabe interpoñer recurso de apelación por razón da contía segundo o disposto no artigo 455 da LAC e concordantes respecto diso, na súa nova redacción.
Así o acordo, mando e asino».
E atopándose a dita demandada, Rosa María Fernández Álvarez, en paradoiro descoñecido, expídese o presente co fin de que sirva de notificación en forma a este.
Ourense, 3 de decembro de 2018
A letrada da Administración de xustiza
