Na sesión celebrada polo Xurado Provincial o día 27.3.2019, figura o seguinte acordo:

«Monte Cruz e Toiré (expediente 42/80), pertencente aos veciños da parroquia de Benade, do termo municipal de Lugo. O 8.6.2018 recíbese copia autenticada de sentenza firme ditada polo Xulgado de Primeira Instancia número 4 de Lugo, do 7.11.2017, ditada no procedemento ordinario 468/2017, na cal, estimando a demanda presentada se declara: “[...] Acordo ter por sometida á demanda, Comunidade do Monte Veciñal en Man Común de Cruz e Toiré, en todas as pretensións da parte demandante [...]”. A seguir relaciona os predios (identificados por polígono e parcela) e o seu propietario.

O 25.6.2018 tivo entrada escrito presentado por José Manuel Lombao Fernández como representante da comunidade, no cal solicita que se proceda á revisión do esbozo conforme a documentación que achega.

Dado traslado da documentación ao Servizo de Montes, o 31.1.2019 emítese informe (núm. 56/18 e 60/18) especificando as modificacións resultantes, nos termos que no dito informe se describen, quedando o monte Cruz e Toiré cunha superficie de 58,8 hectáreas, tras a devandita sentenza e revisión de esbozo. Achégase esbozo da situación actual do monte veciñal afectado. Examinada a devandita sentenza, o Xurado, por unanimidade, acorda dar cumprimento ao establecido nela e proceder ás correccións oportunas, coa incorporación do esbozo referido ao expediente de clasificación.

Contra este acordo, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa».

Lugo, 23 de abril de 2019

María Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo