Na sesión celebrada polo Xurado Provincial o día 27.3.2019, figura o seguinte acordo:

«Monte Castelo (expediente 141/75), pertencente aos veciños da parroquia de Castelo, do termo municipal de Guntín. O 28.5.2018 recíbese copia autenticada de sentenza firme ditada polo Xulgado de Primeira Instancia número 4 de Lugo, do 27.9.2016, ditada no procedemento de xuízo verbal 162/2016, na cal, estimando a demanda presentada declárase: “[...] que a parcela con referencia catastral 27023A130000430000KL pertence de forma íntegra a María Luisa Fernández López [...]”. Dado traslado da documentación ao Servizo de Montes, o 28.1.2019 emítese informe (núm. 50/18) especificando as modificacións resultantes, nos termos que no dito informe se describen, co que o monte Castelo queda cunha superficie de 113,8 hectáreas. Achégase esbozo da situación actual do monte veciñal afectado. Examinada a devandita sentenza, o Xurado, por unanimidade, acorda dar cumprimento ao establecido nela e proceder ás correccións oportunas, coa incorporación do esbozo referido ao expediente de clasificación».

Ao descoñecerse o nome e enderezo dos posibles titulares de dereitos e intereses sobre o referido monte, por medio do presente anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o devandito acordo.

Este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.

Lugo, 23 de abril de 2019

Mª Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo