Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 874/2017 deste xulgado do social, seguido por instancia de María del Carmen Alves Andaluz contra a empresa Limpintegra XXI, S.L., Fogasa e Lexaudit Concursal, S.L.P., sobre ordinario, se ditou a seguinte resolución, cuxa parte dispositiva se xunta:

«Que, estimando integramente a demanda interposta por María del Carmen Alves Andaluz contra Limpintegra XXI, S.L. e contra Lexaudit Concursal, S.L.P. como administradora concursal de Limpintegra XXI, S.L., debo condenar e condeno a mercantil Limpintegra XXI, S.L. a lle aboar á demandante a suma de 5.635,24 euros polos conceptos sinalados no feito probado sexto desta resolución, máis os xuros previstos no artigo 29.3 do ET sobre os conceptos salariais (que comportan 5.096,78 euros) desde a data de presentación da papeleta de conciliación ata a presente resolución e os do 576 da LAC a partir da presente resolución, e os xuros do artigo 1108 do Código civil sobre a compensación económica de liquidación de vacacións (que comporta 538,46 euros) desde a data de presentación da papeleta de conciliación ata a presente resolución, e os do artigo 576 da LAC a partir da presente resolución; así mesmo, condeno a Lexaudit Concursal, S.L.P. na súa soa condición de administradora concursal de Limpintegra XXI, S.L. a se ater á dita condena e aos efectos legais inherentes a ela.

No que se refire á responsabilidade do Fogasa, non procede a súa condena nesta instancia. Deberase observar o que resulte da aplicación do artigo 33 do ET.

Notifíquese ás partes e ao Fogasa esta resolución e fágaselles saber que contra ela cabe recurso de suplicación para ante a Sala do Social do Tribunal Superior de Xustiza de Galicia, no prazo de cinco días contados desde o seguinte ao da súa notificación.

A anterior resolución entregarase á letrada da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.

Por esta miña sentenza, xulgando definitivamente na primeira instancia, pronúncioo, mándoo e asínoo».

E para que sirva de notificación en legal forma a Limpintegra XXI, S.L., en paradoiro descoñecido, insiro este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

Santiago de Compostela, 1 de abril de 2019

A letrada da Administración de xustiza