De conformidade co disposto no artigo 7 do Real decreto lexislativo 2/2004 e 106.3 da Lei 7/1985, e cumprindo o que acordou a Corporación Provincial, na sesión do día 22 de febreiro de 2019, faise público que a Deputación Provincial de Ourense asume a competencia delegada nela polo Concello de Xunqueira de Espadanedo nos seguintes termos:

Primeiro. Aceptar a revogación da delegación da xestión tributaria e recadatoria do Imposto sobre vehículos de tracción mecánica do Concello de Xunqueira de Espadanedo, efectuada mediante acordo plenario do 21 de xaneiro de 2019.

Segundo. Aceptar a delegación de competencia efectuada polo Concello de Xunqueira de Espadanedo a favor da Deputación Provincial, mediante o acordo do 21 de xaneiro de 2019, para a recadación executiva do imposto de vehículos de tracción mecánica (IVTM) do Concello de Xunqueira de Espadanedo.

O contido da delegación abranguerá o exercicio de todas as facultades necesarias para a realización da recadación en vía executiva e ditaranse todos os actos administrativos necesarios para a xestión dos ditos procedementos, incluída a emisión da providencia de constrinximento e resolución dos recursos administrativos contra os actos de recadación executiva.

Para o exercicio da competencia delegada o Concello debería remitir as oportunas certificacións de descuberto do tributo a que se refire.

A taxa que deberá satisfacer o Concello pola prestación do servizo de recadación en período executivo será o 100 % da recarga de constrinximento que debe pagar o debedor tributario, conforme o establecido no artigo 6, alínea b), da Ordenanza fiscal reguladora da taxa pola prestación dos servizos de xestión, inspección e recadación da Deputación Provincial de Ourense. A Deputación deducirá da transferencia do importe recadado a cantidade correspondente á taxa liquidada, sen prexuízo da notificación da dita liquidación na forma prevista no artigo 9 da ordenanza fiscal.

A presente delegación estará vixente ata o 31 de decembro de 2023 e prorrogaranse tacitamente por períodos de 4 anos se ningunha das partes mostra expresamente a súa vontade en contra comunicándollo á outra cunha antelación inferior a 6 meses á data sinalada ou á de calquera dos períodos de prórroga.

A dita delegación rexerase polas condicións xerais establecidas no presente acordo de delegación.

Ourense, 27 de febreiro de 2019

José Manuel Baltar Blanco
Presidente da Deputación Provincial de Ourense