Eu, Patricia Raposo Fernández, letrada da Administración de xustiza do Xulgado de Primeira Instancia número 2 de Pontevedra, fago saber que no presente procedemento, seguido por instancia de Salvador Monroy Lobato fronte a María Enriqueta Area Moreira, se ditou sentenza, cuxo teor literal é o seguinte:

«Resolución

Que estimo a demanda interposta por Salvador Monroy Lobato contra María Enriqueta Area Moreira, e acordo:

1º. Declarar resolto o contrato de arrendamento que unía as partes en relación coas prazas de garaxe nº 14 e nº 15 do Edificio nº 3 da praza Peregrina de Pontevedra, o que dá lugar ao desafiuzamento de María Enriqueta Area Moreira; e condeno a María Enriqueta Area Moreira ao desaloxo das prazas de garaxe, libres, baleiras e expeditas ao dispor da parte demandante no prazo legal.

2º. Condenar a María Enriqueta Area Moreira a pagar a Salvador Monroy Lobato a suma de 4.750 euros, en concepto de rendas debidas ata febreiro de 2019 (este incluído), máis os xuros sinalados no artigo 576 da LAC desde a data desta resolución ata o seu completo pagamento; e ao aboamento de 250 euros mensuais ata a entrega da posesión efectiva das prazas de garaxe.

3º. As custas procesuais impóñenselle a María Enriqueta Area Moreira.

Notifíquese esta resolución ás partes, con advertencia de que fronte a ela cabe interpor recurso de apelación ante este xulgado no prazo de 20 días.

Así, por esta miña sentenza, pronúncioo, mándoo e asínoo».

E ao estar a dita demandada, María Enriqueta Area Moreira, en paradoiro descoñecido, expídese este edicto co fin de que lle sirva de notificación en forma.

Pontevedra, 11 de marzo de 2019

A letrada da Administración de xustiza