Procedemento orixe: sobre alimentos provisionais

Demandante: Nuria Fernández Couto

Procuradora: María de la Paz Estévez Baña

Avogado: Antonio Fernando Otero Alfaya

Demandado: Joaquín Pazos Rodríguez

No procedemento de referencia ditouse a resolución do teor literal seguinte:

«Sentenza número 52/2018.

Redondela, 18 de xuño de 2018.

Vistos por Miguel Seijo Espiño, maxistrado titular do Xulgado de Primeira Instancia e Instrución número 2 de Redondela, os presentes autos número 358/2017 sobre garda e custodia e alimentos non matrimoniais respecto de fillo común menor de idade, seguidos entre as seguintes partes:

Demandante: Nuria Fernández Couto. Procuradora: Sra. Estévez Baña. Avogado: Sr. Otero Alfaya.

Demandado: Joaquín Pazos Rodríguez. En situación de rebeldía procesual.

Ministerio Fiscal.

Procede ditar esta sentenza sobre a base dos seguintes

Decido.

En atención ao exposto nos anteriores fundamentos de dereito que procede estimar parcialmente a demanda interposta pola procuradora Sra. Estévez Baña, en nome e representación de Nuria Fernández Couto, e dispoñer que o réxime de garda e custodia e alimentos respecto de Fabio Pazos Fernández, fillo común menor de idade da demandante e do demandado Joaquín Pazos Rodríguez, quede fixado nos seguintes termos:

1º. Patria potestade sobre o menor compartida por ambos os proxenitores. A garda e custodia atribúese á nai, Nuria Fernández Couto.

2º. Réxime de visitas entre o pai e o menor. Establécese unha única visita á semana, de dúas horas de duración, que deberá desenvolverse integramente no punto de encontro familiar (PEF) correspondente e baixo a supervisión do persoal adscrito a este. O devandito persoal deberá, ademais, deter a visita e dar conta a este xulgado en caso de concorrer indicios de que o pai non está nas condicións psicofísicas aptas para relacionarse co menor.

No caso de que o demandado deixase de acudir de forma non xustificada ao PEF durante as tres primeiras visitas, ou posteriormente durante 3 visitas consecutivas, quedará en suspenso o réxime de visitas establecido nesta sentenza, tras o que deberá o pai, en caso de querer reestablecer o contacto e a relación co seu fillo, acudir ao correspondente procedemento de modificación de medidas, no cal poderá acreditar o interese real pola súa banda na devandita relación, así como que esta resultará beneficiosa para o fillo común menor de idade.

3º. Establécese unha pensión de alimentos por conta do pai, e en beneficio do fillo común menor de idade, de douscentos cincuenta (250) euros mensuais.

A pensión alimenticia fixada deberá ingresarse por meses anticipados e nos cinco primeiros días de cada mes na conta bancaria designada para ese efecto pola nai, e actualizarase anualmente de forma automática conforme a variación experimentada no mesmo período de tempo polo IPC ou índice que o substitúa.

Así mesmo, ambos os proxenitores deberán contribuír por metade ao pagamento dos gastos extraordinarios que xere o menor; entenderanse por tales os médicos, sanitarios ou farmacéuticos non cubertos pola Seguridade Social, así como calquera outro de análoga natureza extraordinaria, e deberán terse en conta para estes efectos os criterios proporcionados pola xurisprudencia sobre a materia, e, especialmente, os de mutuo consenso, excepcionalidade, imprevisibilidade, non periodicidade e necesidade.

Condenar a Joaquín Pazos Rodríguez ao pagamento das custas causadas nesta instancia.

Líbrese oficio ao PEF correspondente, a fin de que fagan efectivas as previsións establecidas nesta sentenza no que a aquel atinxe, e procédase a establecer o día e horario da visita semanal entre pai e fillo, e cumprindo coas demais disposicións que lle afectan.

Lévese o orixinal desta resolución ao libro de sentenzas deste xulgado, e déixese no procedemento testemuño bastante.

Notifíquese esta resolución ás partes, e fágaselles saber que esta non é firme e que contra ela cabe recurso de apelación, o cal deberá interpoñerse ante este xulgado no prazo de vinte días contados desde a súa notificación, nos termos establecidos pola LAC, con cumprimento, de ser o caso, dos requisitos relativos á taxa aplicable que proceda aboar de conformidade coa normativa vixente.

Así mesmo, de conformidade coas previsións da disposición adicional 15ª da Lei orgánica 6/1985 do poder xudicial, introducida pola Lei orgánica 1/2009, a interposición dun eventual recurso de apelación exixirá, como orzamento previo a esta, que o recorrente consigne xudicialmente un depósito de 50 euros.

Así se acorda e asina.

O maxistrado xuíz».

E como consecuencia do ignorado paradoiro de Joaquín Pazos Rodríguez, esténdese este edicto para que sirva de cédula de notificación.

Redondela, 8 de novembro de 2018

O letrado da Administración de xustiza