Procedemento ordinario 350/2016
Demandante: Maderas Ramos Moreira, S.L.
Procuradora: Sra. Cayetana Marín Couceiro
Avogado: José Soto Carballada
Demandada: Vasse Cocina y Baño, S.L.
Mariña Vila Suárez, letrada da Administración de xustiza, do Xulgado de Primeira Instancia e Instrución número 2 da Estrada, por este edicto,
Anuncio:
Neste procedemento ordinario número 350/2016 seguido por instancia de Maderas Ramos Moreira, S.L., fronte a Vasse Cocina y Baño, S.L., ditouse sentenza en data 23 de maio de 2018, cuxo encabezamento e decisión é do teor seguinte:
«Sentenza número 24/2018.
Maxistrada xuíza que a dita: Alejandra Iglesias Cereijo.
A Estrada, 23 de maio de 2018.
Vistos por min, Alejandra Iglesias Cereijo, maxistrada xuíza titular do Xulgado de Primeira Instancia e Instrución número 2 da Estrada, os autos do xuízo ordinario 350/2016, instado por Maderas Ramos Moreira, S.L., representada pola procuradora dos tribunais Cayetana Marín Couceiro e asistida do letrado José Soto Carballada contra Vasse Cocina y Baño, S.L., que está declarada en situación de rebeldía procesual, estímase a demanda interposta por Maderas Ramos Moreira, S.L., representada pola procuradora Sra. Marín Couceiro contra Vasse Cocina y Baño, S.L., en situación de rebeldía procesual.
Condénase o demandado ao pagamento da cantidade de corenta e tres mil oitocentos setenta e un euros con vinte e cinco céntimos de euro (43.871,25 euros), así como ao pagamento dos xuros legais desde a data de presentación da demanda.
Impónselle á demandada o pagamento das custas procesuais.
Notifíqueselle ás partes esta resolución, indicando que esta non é firme e contra ela cabe recurso de apelación.
Así o acordo, mando e asino».
E estando o devandito demandado, Vasse Cocina y Baño, S.L., en paradoiro descoñecido, expídese este edicto a fin de que sirva de notificación en forma.
A Estrada, 31 de xullo de 2018
A letrada da Administración de xustiza