Anuncio de aprobación definitiva do estudo de detalle referido á parcela E1-F1 da segunda fase da Central de Transporte de Ourense, co obxecto de reaxustar aliñacións, o que se publica para os efectos dos artigos 82 da Lei 2/2016, do 10 de febreiro, do solo de Galicia e 199 do seu regulamento.
«O Pleno da Corporación, en sesión ordinaria celebrada o día 29 de novembro de 2018, adoptou, entre outros, os seguintes acordos:
Primeiro. Aprobar definitivamente o estudo de detalle referido a parcela E1-F1 da segunda fase da Central de Transporte de Ourense, redactado polo equipo técnico Ecuevas Arquitectura, S.L.P., quedando extinguida a suspensión de licenzas.
Segundo. Publicar o acordo de aprobación definitiva no Diario Oficial de Galicia, e o texto dos documentos que o integran así como o índice de planos do estudo de detalle no Boletín Oficial da provincia.
Terceiro. Notificar este acordo aos propietarios e demais interesados directamente afectados polo estudo de detalle.
Cuarto. Comunicar á consellería competente en materia de urbanismo a aprobación de estudo de detalle referido a parcela E1-F1 da segunda fase da Central de Transporte de Ourense, á vez que se lle dá traslado dun exemplar en soporte dixital, debidamente dilixenciado, co fin de ser inscrito no Rexistro de Plan Urbanístico de Galicia.
Quinto. Facultar o alcalde para subscribir e asinar toda clase de documentos e, en xeral, para todo o relacionado con este asunto».
Contra este acordo, interporase recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contadio desde o día seguinte á publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.
San Cibrao das Viñas, 7 de decembro de 2018
Manuel Pedro Fernández Moreiras
Alcalde
