A Xunta de Goberno Local do Concello de Vila de Cruces, na sesión ordinaria que tivo lugar o día 20 de novembro de 2018, adoptou, entre outros, o seguinte acordo:
Primeiro. Aprobar inicialmente o Plan especial de infraestruturas e dotacións para implantación dun equipamento dotacional destinado a cemiterio no núcleo de Añobre, redactado polo arquitecto Víctor Manuel Hermo Sánchez (RE 2018-E-RE-490 do 6.11.2018).
Segundo. Abrir un período de información pública durante o prazo de dous meses, mediante anuncio no Diario Oficial de Galicia e anunciarase, ademais, no xornal Faro de Vigo. Durante o devandito período quedará o expediente á disposición de calquera persoa que queira examinalo ou obter copias para efectos da presentación das alegacións que se consideren pertinentes, estando á disposición dos interesados na sede electrónica deste concello (https://viladecruces.sedelectronica.es/), no Portal de Transparencia.
Terceiro. Suspender o outorgamento de licenzas naqueles ámbitos do territorio obxecto do plan cuxas novas determinacións supoñan a modificación da ordenación urbanística vixente.
A duración da suspensión é de dous anos, contados desde a aprobación inicial, extinguíndose, en todo caso, coa aprobación definitiva do plan.
As ditas áreas afectadas pola suspensión son as seguintes:
|
Parcela |
|
|
Titularidade |
municipal (concello de Vila de Cruces) |
|
Situación |
lugar de Añobre, parroquia de Añobre, Vila de Cruces |
|
Localización |
polígono 508, parcela 739 |
|
Referencia catrastral |
36059H508007390000ER |
|
Superficie |
2.933 m2 |
|
Lindeiros |
norte: camiño sur: camiño leste: Jesús Juan Bautista Amosa Lareo oeste: camiño |
Esta suspensión publicarase conxuntamente coa aprobación inicial.
Cuarto. De ser o caso, notificar individualmente o trámite de información pública a todas as persoas titulares catastrais dos terreos resulten afectados.
Quinto. Solicitar ás administracións afectadas pola súa competencia sectorial para que emitan o correspondente informe para os efectos regulados na lexislación sectorial. Os informes sectoriais autonómicos deberán ser emitidos no prazo máximo de tres meses, transcorrido o cal se entenderán emitidos con carácter favorable.
O que se publica co fin de que, durante o prazo de dous meses, contados a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará á disposición de calquera persoa na sede electrónica deste concello (https://viladecruces.sedelectronica.es/), no Portal de Transparencia (2.Normativa-2.2 Proxectos en tramitación).
Vila de Cruces, 23 de novembro de 2018
Jesús Otero Varela
Alcalde
