Eu, Ana Rodríguez Puga, letrada da Administración de xustiza, polo presente anuncio:
Que no procedemento de divorcio contencioso 421/2017 deste xulgado se ditou sentenza, cuxo encabezamento e resolución é o seguinte:
«En Lugo o 16 de xaneiro de 2018.
Vistos por min, Alberto Benéitez Antón, maxistrado xuíz do Xulgado de Primeira Instancia número 1 dos de Lugo, os autos de procedemento matrimonial contencioso número 421/2017, sobre divorcio, promovidos por José Antonio Gayoso Viana, representado polo procurador Sr. Vila Varela e asistido polo letrado Sr. González González, contra Dolores López Roibás, en rebeldía procesual, en virtude das funcións conferidas pola Constitución e en nome do rei dito a presente:
Decido que, debendo estimar e estimando a demanda interposta por José Antonio Gayoso Viana contra Dolores López Roibás:
1º. Decreto a disolución por causa de divorcio do matrimonio contraído polas partes o día 27 de agosto de 1983, cos efectos xerais legalmente previstos, indicados no fundamento xurídico segundo, parágrafo 1º, desta sentenza.
2º. Non procede a adopción de medidas reguladoras das consecuencias familiares do divorcio decretado, por razón de inexistencia de fillos menores dos divorciados e falta de solicitude delas respecto dos demais aspectos legalmente previdos para elas.
3º. Declaro que non procede facer especial imposición das custas procesuais a ningunha das partes.
Firme que sexa a presente resolución, se é o caso, comuníquese aos rexistros civís correspondentes para os efectos rexistrais oportunos.
Modo de impugnación: mediante recurso de apelación ante a Audiencia Provincial de Lugo, no tempo e forma previstos no artigo 458 da LAC.
Así por esta a miña sentenza, pronúncioo, mándoo e asínoo».
E como consecuencia do ignorado paradoiro de Dolores López Roibas, expídese o presente edicto para que sirva de notificación en forma, mediante a súa publicación no Diario Oficial de Galicia.
Lugo, 2 de novembro de 2018
A letrada da Administración de xustiza