Eu, María Adelaida Egurbide Margañón, letrada da Administración de xustiza do Xulgado do Social número 2 da Coruña, fago saber que no procedemento monitorio 55/2018 deste xulgado do social, seguido por instancia de Stanislav Ivanov contra a empresa Govannon Gestion, S.L. coa intervención de Fogasa sobre ordinario, se ditou a seguinte resolución, cuxos antecedentes e parte dispositiva se achega:
«Decreto.
Letrada da Administración de xustiza, María Adelaida Egurbide Margañón.
A Coruña, 18 de xuño de 2018.
Antecedentes de feito.
Primeiro. Stanislav Ivanov presentou petición inicial de procedemento monitorio dirixida fronte a Govannon Gestion, S.L., e coa intervención de Fogasa en reclamación da cantidade de catro mil douscentos vinte e catro con dezaseis céntimos (4.224,16 €).
Segundo. Admitida a trámite a solicitude, acordouse requirir de pagamento o empresario para que no prazo de dez días pagase ao traballador a cantidade reclamada ou, noutro caso, presentase escrito de oposición alegando sucintamente as razóns para non o facer. Transcorreu o prazo sen que o demandado comparecese nin presentase escrito de oposición ou acreditando o aboamento.
Parte dispositiva.
Acordo:
1. Arquivar o presente procedemento monitorio instado por Stanislav Ivanov, fronte a Govannon Gestion, S.L. e coa intervención do Fogasa.
2. Dar traslado á parte demandante co fin de que presente demanda de execución, no caso de que desexe proceder ao despacho desta e que deberá presentar na oficina de decanato como demanda.
Notifíquese ás partes.
Modo de impugnación: poderá interpoñerse recurso directo de revisión ante quen dita esta resolución mediante escrito que deberá expresar a infracción cometida a xuízo do recorrente, no prazo de tres días hábiles seguintes á súa notificación (artigo 188.2 da LXS). O recorrente que non teña a condición de traballador ou beneficiario de réxime público da Seguridade Social deberá facer un depósito para recorrer de 25 euros na conta número 1532/0000/--/----/-- do Banco Santander, debendo indicar no campo concepto, a indicación recurso seguida do código “31 Social-Revisión”. Se o ingreso se fai mediante transferencia bancaria deberá incluír tras a conta referida, separados por un espazo coa indicación “recurso” seguida do “código 31 Social-Revisión”. Se efectuar diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución recorrida utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
A letrada da Administración de xustiza».
E para que sirva de notificación en legal forma á mercantil Govannon Gestion, S.L., en ignorado paradoiro, expido este edicto para a súa inserción no Boletín Oficial da provincia da Coruña.
A Coruña, 30 de outubro de 2018
A letrada da Administración de xustiza