Neste órgano xudicial tramítase peza de taxación de custas 58/2014 seguido por instancia de Pretensados Moaña, S.L. contra José Manuel Guisande Rodríguez sobre taxación de custas nas cales, por resolución de data 19 de outubro de 2017, se acordou notificar ao rebelde o extracto da sentenza dimanante do procedemento ordinario 58/2014 que di literalmente:
«Sentenza.
Pontevedra, 19 de decembro de 2016.
Vistos por Manuel Marquina Álvarez, maxistrado titular do Xulgado Mercantil número 1 dos desta cidade, os presentes autos de xuízo ordinario número 58/2014, seguidos por iniciativa de Pretensados Moaña, S.L. (Pretensados Moaña), representada pola procuradora Sra. Angulo Gascón, e asistida polo letrado Sr. González Cuenca, fronte a José Manuel Guisande Rodríguez, rebelde.
Resolución.
Estímase a demanda interposta por Pretensados Moaña, S.L. contra José Manuel Guisande Rodríguez, e condénase o demandado a aboar á demandante a cantidade de 35.935,12 euros, máis o xuro legal computado desde o día 21 de febreiro de 2014, así como ao pagamento das custas procesuais.
Esta sentenza non é firme e contra ela cabe interpoñer recurso de apelación no prazo de 20 días, por escrito e expresando os motivos polos que se impugna, ante a Audiencia Provincial de Pontevedra. De acordo coa disposición adicional 15ª da Lei orgánica do poder xudicial, as partes, para poder presentar o recurso, terán que consignar a cantidade de 50 euros na conta deste xulgado, aberta no Banco Santander. Están exentos desta obriga os titulares do dereito á xustiza gratuíta.
Notifíquese esta sentenza ás partes, lévese ao libro da súa clase e déixese testemuño suficiente nos autos.
Así, por esta a miña sentenza, pronúncioo, mándoo e asínoo.
Publicación. A anterior sentenza foi lida polo xuíz que a ditou no día da data, achándose celebrando audiencia pública. Dou fe.
Dilixencia. A anterior sentenza quedou depositada na secretaría do meu cargo unha vez lida e publicada. Dou fe.
Pontevedra, 19 de decembro de 2016.
O letrado da Administracion de xustiza».
E para que sirva de notificación ao rebelde José Manuel Guisande Rodríguez expídoa eu, letrado da Administración de xustiza.
