De conformidade co disposto no artigo 82 da Lei 2/2016, do solo de Galicia, artigo 70.2 da Lei 7/1985, do 2 de abril, de bases de réxime local e disposicións concordantes, faise público que o Pleno deste concello, en sesión do 27 de setembro, aprobou definitivamente a modificación do Plan de sectorización do parque empresarial de Outeiro de Rei CC1-1ª fase: modificación da ordenanza industrial, promovido polo Concello de Outeiro de Rei.
O contido íntegro do plan estará á disposición do público no seguinte enderezo electrónico: https://outeiroderei.org
O contido do informe ambiental estratéxico foi publicado no DOG nº 165 do 31 de agosto de 2017.
As medidas previstas para o seguimento dos efectos no medio ambiente da aplicación do plan consisten na realización dun informe trianual co seguinte contido:
– Número de edificacións construídas.
– Número de actividades adecuadas aos usos compatibles que se establezan no parque empresarial.
– Aumento da demanda de auga contabilizando o número de novos contratos de auga e o caudal anual correspondente aos devanditos contratos.
– Aumento das verteduras ao terreo de augas residuais contabilizado a partir da instalación de novas depuradoras e das medidas ou estimación de aumento de verteduras polas devanditas instalacións emprazadas no parque empresarial.
Contra o devandito acordo, definitivo na vía administrativa, poderanse interpoñer os recursos que seguen:
a) Potestativo de reposición ante o Pleno deste concello, no prazo dun mes a partir do día seguinte ao da publicación deste anuncio.
b) Contencioso-administrativo no prazo de dous meses, contados desde o día seguinte ao desta publicación, ante o Tribunal Superior de Xustiza de Galicia. Sen embargo, interposto o recurso de reposición, non poderá interpoñerse o recurso contencioso-administrativo ata que sexa resolto expresamente o primeiro ou se produza a súa desestimación presunta polo transcurso do prazo dun mes para ditar e notificar a resolución.
Outeiro de Rei, 5 de novembro de 2018
José Pardo Lombao
Alcalde