Con data do 4 de outubro de 2018, o Pleno do Concello de Maside acordou por sete votos a favor e dous en contra a aprobación inicial da modificación puntual das normas subsidiarias de planeamento municipal, delimitación do ámbito entre a estrada N-541 e a rúa de acceso a Corzos, na localidade da Fontela, expediente que se encontra nas dependencias municipais. Este expediente sométese a información pública durante o prazo de dous (2) meses, contado desde a publicación deste anuncio no Diario Oficial de Galicia, para os efectos do artigo 60.6 en relación co artigo 83.5 da Lei 2/2016, do 10 de febreiro, do solo de Galicia (artigo 144.6 en relación co artigo 200.5 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia). O ámbito obxecto desta modificación está situado na parroquia de Santa María de Amarante.

Maside, 22 de outubro de 2018

José Manuel Iglesias Araújo
Alcalde en funcións