Eu, María Mercedes Santos García, letrada da Administración de xustiza do Xulgado do Social número 5 da Coruña, fago saber que no procedemento ordinario 356/2017 deste xulgado do social, seguido por instancia de María Teresa Abelleira Vega contra Fondo de Garantía Salarial e comunidade hereditaria de José Antonio Basanta Álvarez, sobre ordinario, se ditou a seguinte sentenza cuxa parte dispositiva é a que segue:

Que debo estimar e estimo a demanda que en materia de cantidade foi interposta por María Teresa Abelleira Vega contra a comunidade hereditaria de José Antonio Basanta Álvarez e, en consecuencia, debo condenar e condeno solidariamente a comunidade hereditaria de José Basanta Álvarez a que lle aboe á demandante a cantidade de 19.990,17 euros brutos en concepto de cantidades debidas por salarios devindicados entre setembro de 2015 e decembro de 2016, incrementadas no xuro do 10 % por mora e aplicable aos conceptos salariais.

Coa intervención do Fondo de Garantía Salarial.

Notifíqueselles esta resolución ás partes e fágaselles saber o seu dereito a interpor contra ela recurso de suplicación, ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.

Para que sirva de notificación en legal forma á comunidade hereditaria de José Antonio Basanta Álvarez, en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

A Coruña, 17 de setembro de 2018

A letrada da Administración de xustiza