As bases do procedemento de reavaliación de determinadas xefaturas de persoal sanitario diplomado ou técnico do Servizo Galego de Saúde establécense na Orde do 26 de novembro de 2012 (DOG nº 234, do 10 de decembro), segundo o establecido na sección segunda do capítulo VI do Decreto 206/2005, do 22 de xullo, de provisión de prazas de persoal estatutario do Servizo Galego de Saúde (DOG nº 145, do 29 de xullo).

O posto de Supervisión Xeral do Complexo Hospitalario Universitario de Pontevedra foi convocado pola Resolución da Xerencia do 31 de maio de 2007 (DOG nº 135, do 12 de xullo), ao abeiro do sistema de avaliación colexiada establecida polo Decreto 206/2005, e foi nomeado Juan Carlos Almón Vispo por un período inicial de catro anos de duración (DOG nº 9, do 14 de xaneiro de 2008).

Mediante a Resolución do 24 de abril de 2018, da Xerencia de Xestión Integrada de Pontevedra e O Salnés, convocouse o procedemento de reavaliación do posto de Supervisión Xeral do Complexo Hospitalario Universitario de Pontevedra.

Unha vez realizado o acto público de defensa da actividade realizada e do proxecto técnico que se desenvolverá nos próximos catro anos, a Comisión acordou elevar a esta Xerencia proposta favorable á continuidade de Juan Carlos Almón Vispo no desempeño do posto de Supervisión Xeral do Complexo Hospitalario Universitario de Pontevedra.

En virtude das competencias atribuídas polo Decreto 43/2013, do 21 de febreiro, polo que se establece a estrutura orgánica do Servizo Galego de Saúde (DOG nº 47, do 7 de marzo), e a Orde do 5 de xullo de 2012, sobre delegación de competencias en órganos centrais e periféricos do Servizo Galego de Saúde (DOG nº 139, do 20 de xullo), esta Xerencia

RESOLVE:

Prorrogar o nomeamento de Juan Carlos Almón Vispo como supervisor xeral do Complexo Hospitalario Universitario de Pontevedra, por un período de catro anos de duración, a cuxo termo se realizará un novo procedemento de reavaliación de conformidade e cos efectos previstos na Orde do 26 de novembro de 2012.

Contra a presente resolución poderá interpoñerse recurso de alzada ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da publicación desta resolución, segundo o establecido nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Pontevedra, 6 de setembro de 2018

José Ramón Gómez Fernández
Xerente de Xestión Integrada de Pontevedra e O Salnés