O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.

Visto o expediente instruído para a provisión de rexistros da propiedade, mercantís e de bens mobles vacantes en virtude de concurso ordinario número 300 convocado pola Resolución da Dirección Xeral dos Rexistros e do Notariado do 3 de xullo de 2018 (BOE do 10 de xullo) e resolto pola Resolución do 14 de setembro de 2018, e de conformidade cos artigos 284 da Lei hipotecaria, 496 e demais concordantes do regulamento para a súa execución, co Decreto da Xunta de Galicia 74/2018, do 5 de xullo, e coas demais disposicións legais autonómicas pertinentes,

RESOLVO:

Nomear os rexistradores comprendidos na citada resolución e que no anexo se relacionan para prover os rexistros vacantes radicados no territorio da Comunidade Autónoma de Galicia.

Santiago de Compostela, 21 de setembro de 2018

Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza

ANEXO

• Ana Isabel Rodríguez Parada, rexistradora de Ponteareas, para o Rexistro de Tui.

• Paula Martín Martínez, rexistradora de Ourense número 3, para o Rexistro de Pontevedra número 2.

• María Belén Avanzini Antón, rexistradora de Las Palmas de Gran Canaria número 3, para o Rexistro de Corcubión-Muros.