Para os efectos previstos no artigo 54 da Lei 7/2012, do 28 de xuño, de montes de Galicia, dáse publicidade ao acordo adoptado polo Xurado Provincial de Clasificación de Montes Veciñais en Man Común de Pontevedra, no 3 de xullo 2018, en relación co deslindamento parcial entre as comunidades de montes veciñais en man común da Picoña e Santa María de Salceda, do concello de Salceda de Caselas, ao respecto da estrema común dos seus montes.

Feitos:

Primeiro. A Lei 7/2012, do 28 de xuño, de montes de Galicia (DOG núm. 140, do 23 de xullo), na súa disposición derradeira segunda modifica o artigo 25 da Lei 13/1989, do 10 de outubro, de montes veciñais en man común, e elimina a obriga da Administración forestal de proceder ao deslindamento e sinalización dos montes veciñais. Por tanto, esta competencia corresponde ás comunidades propietarias consonte os artigos 53 e 54 da Lei de montes de Galicia.

Segundo. Con data do 20.11.2015 as CCMMVMC da Picoña e de Santa María de Salceda comunican ao Xurado Provincial de Montes Veciñais en Man Común o acordo sobre a estrema entre ambas as comunidades. A documentación que consta no expediente consonte o artigo 53 da Lei 7/2012 é a seguinte: acto de conciliación no Xulgado de Paz de Salceda de Caselas, certificados de aprobación en asemblea xeral de ambas as comunidades e cartografía dixital.

Terceiro. Con data do 5.2.2016, o xefe da Sección de Topografía informa do seguinte: «Na documentación recibida inclúese un deslindamento da CMVMC da Picoña con propiedades particulares seguindo os marcos do antigo UP número 506. Ao respecto da liña que define a nova estrema entre as dúas comunidades, tamén deslindan propiedades particulares, segundo reflicte a propia documentación recibida e o antigo UP 506. Esta nova estrema cambia o linde definido polo deslindamento mais os marcos do antigo UP 506».

Cuarto. A liña de deslindamento preséntase en dous estudos topográficos:

Parte 1. Redactado polo enxeñeiro operador Julio Piñeiro Barros cos puntos: punto núm. 1: cruz na rocha; punto núm. 2: cruz na rocha; punto núm. 3: cruz na rocha; punto núm. 4: marco novo; punto núm. 5: marco novo; punto núm. 6: marco novo; punto núm. 7: marco monte UP 165. Esta liña continúa no punto núm. 8: marco monte UP 160 e remata no punto núm. 98: marco monte UP 159.

Parte 2. Redactado pola enxeñeira operadora Rita Vázquez cos puntos pedra gravada núm. 1; pedra gravada núm 2; pedra gravada núm. 3; pedra gravada núm. 4 e pedra gravada núm. 5.

Quinto. Descrición da liña poligonal que determina o deslindamento de mutuo acordo entre os montes veciñais en man común da Picoña e de Santa María de Salceda (UTM ETRS89):

Punto núm. 1 cruz na rocha X: 536918,2670 Y: 4664834,778 Z: 435,75

Punto núm. 2 cruz na rocha X: 537006,2240 Y: 4664599,335 Z: 416,98

Punto núm. 3 cruz na rocha X: 537037,298 Y: 4664449,975 Z: 379,42

Punto núm. 4 marco novo X: 537082,5691 Y: 4664338,697 Z: 326,70

Punto núm. 5 marco novo X: 537118,6239 Y: 4664394,147 Z: 328,92

Punto núm. 6 marco novo X: 537161,8490 Y: 4664364,469 Z: 304,70

Punto núm. 7 marco monte UP 165 X: 537150,3320 Y: 4664315,318 Z: 300,62

Punto núm. 8 marco monte UP 160

Punto núm. 9 marco monte UP 159

Pedra gravada núm. 1

Pedra gravada núm. 2

Pedra gravada núm. 3

Pedra gravada núm. 4

Pedra gravada núm. 5

Por todo o exposto, o Servizo de Montes emite informe favorable ao deslindamento solicitado, sempre que se exclúa a liña de deslindamento entre o punto núm. 7 marco monte UP 165 e o punto núm. 8 marco monte UP 160, xa que esta liña divide propiedades privadas tal e como consta na planimetría presentada.

Consideracións legais e técnicas:

Primeira. A Lei 7/2012, do 28 de xuño, de montes de Galicia, regula nos artigos 52 e 54 o procedemento de deslindamento de montes veciñais en man común e establece, entre outras, a obriga de publicar a resolución do Xurado no Diario Oficial de Galicia.

Segunda. Da documentación fornecida polas comunidades e do informe técnico do Servizo de Montes desta xefatura territorial, conclúese que a avinza entre as CCMMVMC da Picoña e de Santa María de Salceda é congruente coas respectivas resolucións de clasificación e coas estremas nelas descritas.

Revisada a liña de deslindamento presentada, a documentación achegada e o informe técnico do Servizo de Montes da xefatura territorial da Consellería do Medio Rural de Pontevedra e en atención ao disposto nos artigos 53, 54 e na disposición transitoria décimo cuarta da Lei 7/2012, de montes de Galicia, este xurado provincial, por unanimidade dos seus membros,

ACORDA:

Primeiro. Aprobar o deslindamento parcial realizado entre as CCMMVMC da Picoña e Santa María de Salceda, respecto da súa estrema común, nos termos indicados no antecedente de feito cuarto e quinto, e de acordo cos planos topográficos achegados e validados mediante informe técnico do Servizo de Montes.

Segundo. Notificar este acordo ás comunidades propietarias afectadas e publicalo no Diario Oficial de Galicia para dar cumprimento ao disposto na Lei 7/2012, do 28 de xuño, de montes de Galicia.

Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra, no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da súa publicación, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e cos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Pontevedra, 19 de xullo de 2018

Antonio Crespo Iglesias
Presidente do Xurado Provincial de Clasificación de Montes Veciñais
en Man Común de Pontevedra