Unha vez recibido informe favorable sobre a proposta de deslindamento con propiedades particulares presentada pola Comunidade de Montes Veciñais en Man Común de Santa María de Dozón, concello de Dozón, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar para a exposición do plano e demais documentación do monte o taboleiro de anuncios do Concello de Dozón, na rúa Médico Fernando Iglesias, s/n, 36518 (Dozón).
Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros, que desexen comparecer, presentaren alegacións e os títulos que acrediten a propiedade.
O que se fai público para xeral coñecemento.
Pontevedra, 26 de xuño de 2018
Antonio Crespo Iglesias
Xefe territorial de Pontevedra