Unha vez recibido informe favorable sobre a proposta de deslindamento cos predios pertencentes a María del Pilar Diz Fernández, Isabel Visitación Javier Terrón, Blanca Roura Javier, Manuel Vázquez Domínguez e Daniel Castiñeira Pérez, presentada pola Comunidade de Montes Veciñais en Man Común de Currás, concello de Tomiño, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar, para a exposición do plano e demais documentación do monte, a Casa Social da Comunidade de Montes Veciñais en Man Común de Currás, lugar de Tapel-Currás, 12, 36791 Tomiño.
Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros, que desexen comparecer, presenten alegacións e os títulos que acrediten a propiedade.
O que se fai público para xeral coñecemento.
Pontevedra, 27 de xuño de 2018
Antonio Crespo Iglesias
Xefe territorial de Pontevedra