Agustín Gamote Álvarez, letrado da Administración de xustiza do Xulgado de Primeira Instancia e Instrución número 1 de Bande, polo presente anuncio:

No presente procedemento, seguido por instancia de Jesús Rodríguez Rodríguez fronte a Manuel Miguel Costa González, ditouse sentenza, cuxo encabezamento e resolución son do teor literal seguinte:

«Sentenza

En Bande o vinte e oito de novembro de dous mil dezaseis, vistos por Purificación González López, xuíza de Primeira Instancia Único de Bande e do seu partido, os presentes autos de xuízo verbal sobre reclamación de cantidade, seguidos ante este xulgado baixo o número 91/2016, por instancia de Jesús Rodríguez Rodríguez, representado pola procuradora Sra. Crespo Damota e defendido polo letrado Sr. Pereira Sardi, contra o demandado Manuel Miguel Costa González, en situación procesual de rebeldía,

Decido que debo desestimar e desestimo a demanda interposta pola procuradora Sra. Crespo Damota, en nome e representación de Jesús Rodríguez Rodríguez, contra Manuel Miguel Costa González, en situación procesual de rebeldía.

Impóñense as custas procesuais ao demandante Jesús Rodríguez Rodríguez.

Fáganse as anotacións correspondentes no libro de asuntos e lévese a presente ao libro mazo de sentenzas e autos deste xulgado e testemuño desta, aos autos principais.

Así por esta miña sentenza, pronúncioo, mándoo e asínoo.

Modo de impugnación: recurso de apelación, que se impoñerá ante o tribunal que ditase a resolución que se impugne dentro do prazo de vinte días contados desde o día seguinte ao da notificación daquela.

O devandito recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 da LAC).

Conforme a disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, Comunidade Autónoma, entidade local ou organismo autónomo dependente.

O depositario deberá constituílo ingresando a citada cantidade no Banco Santander, S.A., na conta deste expediente ES55004935569920005001274, e indicar no campo “concepto” a indicación “recurso” seguida do código “02 civil-apelación”. Se o ingreso se fai mediante transferencia bancaria deberá incluír, tras a conta referida, separados por un espazo a indicación “recurso” seguida do código “02 civil-apelación”.

No caso de que deba realizar outros pagamentos na mesma conta, deberá verificar un ingreso por cada concepto, mesmo se obedecen a outros recursos da mesma ou distinta clase, e indicar, neste caso no campo observacións a data da resolución impugnado co formato dd/mm/aaaa.

Así por esta miña sentenza, pronúncioo, mándoo e asínoo».

E encontrándose o devandito demandado, Manuel Miguel Costa González, en paradoiro descoñecido, expídese o presente co fin de que sirva de notificación en forma a este.

Bande, 19 de xaneiro de 2017

O letrado da Administración de xustiza