Mediante o Acordo do Pleno, do 30 de abril de 2018, aprobouse definitivamente o estudo de detalle do soar sito no Camiño da Aldea, número 23, no concello de Cervo, co obxecto de delimitar aliñacións e rasantes para execución dun garaxe. O que se publica para os efectos dos artigos 82 da Lei 2/2016, do 10 de febreiro, do solo de Galicia, e 199 do seu regulamento. O acordo literal é o seguinte:
«1º. Aprobar definitivamente o estudo de detalle presentado por José Eugenio Lage Fernández e redactado polo arquitecto Santiago Sánchez Escourido, con data do 22 de xuño de 2017, presentado no concello o 3.8.2017 (R.E. 2017), para poder delimitar as aliñacións, rasantes e aproveitamentos que se pretende realizar no soar na rúa A Aldea, número 23, na zona antiga de Cervo (Lugo), con referencia catastral 8758609PJ2385N0001QP, para poder executar sobre el unha edificación dunha planta para destinala a garaxe.
2º. Este acordo notificaráselles persoalmente aos interesados e publicarase, no prazo dun mes desde a súa adopción, no Diario Oficial de Galicia, e o texto dos documentos que integran o estudo de detalle, así como o índice de planos, no Boletín Oficial da provincia.
3º. Unha vez publicado o acordo no Diario Oficial de Galicia, remitirase á Consellería de Medio Ambiente e Ordenación do Territorio a documentación exixida polo artigo 88.3 da Lei do solo de Galicia, para os efectos de inscribir o estudo de detalle no Rexistro de Planeamento Urbanístico de Galicia. Logo de que conste a inscrición no rexistro, publicarase a normativa no Boletín Oficial da provincia».
O documento deste estudo de detalle estará á disposición dos interesados na sede electrónica deste concello: http://cervo.sedelectronica.es
Contra este acordo interporase recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da publicación deste anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Cervo, 9 de maio de 2018
Alfonso Villares Bermúdez
Alcalde