PO procedemento ordinario 741/2016 MAFC

Procedemento orixe:

Sobre ordinario

Demandante: Oliver González Rama

Avogada: María Sol Romero Salgado

Demandados: Fogasa, Iberdrola, S.A., Auditores y Consultores de Eficiencia Energética, S.L., Asesoría Aplicada a la Energía del Noroeste Slaaenor, S.L., Asesoría Moreira Renovables, S.L. e Amores, S.L.

Avogado: letrado do Fogasa

Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento ordinario 741/2016 MAFC deste xulgado do social, seguido por instancia de Oliver González Rama contra Iberdrola, S.A., Auditores y Consultores de Eficiencia Energetica, S.L., Asesoría Aplicada a la Energía del Noroeste Slaaenor, S.L., Asesoría Moreira Renovables, S.L., Amores, S.L. e Fogasa, sobre ordinario, se acordou citar Auditores y Consultores de Eficiencia Energética, S.L., Asesoría Aplicada a la Energía del Noroeste, S.L., Aaenor, S.L., Asesoría Moreira Renovables, S.L. e Amores, S.L., en paradoiro descoñecido, para que comparezan na sala de vistas deste Xulgado do Social número 3 de Santiago de Compostela, situado na rúa Berlín, s/n, polígono das Fontiñas, 15707 Santiago de Compostela, o día 24.7.18 ás 9.30 horas, co fin de celebrar os actos de conciliación e, de ser o caso, xuízo, os cales poderán comparecer persoalmente ou mediante persoa legalmente apoderada, e que deberán acudir con todos os medios de proba de que se intenten valer. Advírteselles que é unha única convocatoria e que os ditos actos non se suspenderán por falta inxustificada de asistencia.

Fáiselles saber que teñen ao seu dispor, na oficina xudicial, a cédula de citación, a copia da demanda, o decreto da súa admisión e tamén as demais resolucións e documentos que figuran no procedemento.

Así mesmo, advírtese aos destinatarios que as seguintes comunicacións se farán mediante a fixación dunha copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

No caso de que pretendan comparecer ao acto do xuízo asistidos de avogado ou representados tecnicamente por graduado social colexiado ou por procurador, deberán pór esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, unha vez trasladada tal intención ao demandante, este poida estar representado tecnicamente por graduado social colexiado ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto do xuízo de avogado, procurador ou graduado social colexiado.

E para que sirva de citación a Auditores y Consultores de Eficiencia Energética, S.L., Asesoría Aplicada a la Energía del Noroeste Slaaenor, S.L., Asesoría Moreira Renovables, S.L., Amores, S.L.n e así como para a súa publicación no Diario Oficial de Galicia e colocación no taboleiro de anuncios, expido este edicto.

Santiago de Compostela, 8 de maio de 2018

A letrada da Administración de xustiza