Na sesión celebrada polo Xurado Provincial o día 6 de marzo de 2018, figura o seguinte acordo:
Monte de Savane (expediente 34/92), no termo municipal de Navia de Suarna, e clasificado como veciñal en man común mediante a Resolución do Xurado Provincial do 29 de marzo de 1993. Con data do 16 de febreiro de 2018 ten entrada copia da Sentenza firme ditada polo Xulgado de Primeira Instancia e Instrución número 1 da Fonsagrada, do 28 de decembro de 2017, ditada no procedemento ordinario 55/2017, na cal, estimando a demanda presentada, se declara: «(...) que o monte de Savane é abertal, de voces, varas ou fabeo, comunidade de tipo romano, e que José López López é un dos seus copropietarios. Condeno a demandada a aterese á anterior manifestación, facendo renuncia a favor de José López López e demais copropietarios do monte abertal de Savane e absténdose de realizar actos de desfrute ou posesión sobre el. Remítase oficio ao Xurado Provincial de Montes Veciñais en Man Común de Lugo con certificación da presente sentenza (...)». Examinada a dita sentenza, o xurado, por unanimidade, acorda dar cumprimento ao establecido nela e proceder a anular a clasificación e á cancelación da inscrición do monte no Rexistro de Montes Veciñais en Man Común.
Ao descoñecerse o nome e enderezo dos posibles titulares de dereitos e intereses sobre o referido monte, por medio deste anuncio, de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, comunícase o dito acordo.
Este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
Lugo, 21 de marzo de 2018
Mª Olga Iglesias Fontal
Presidenta do Xurado Provincial de Clasificación de Montes
Veciñais en Man Común de Lugo