O Pleno da Corporación adoptou, na sesión ordinaria que tivo lugar o 26 de xaneiro de 2018, o acordo que na parte dispositiva di o seguinte:
«Primeiro. Rectificar o erro material detectado nas NSV/1994, considerando a actividade “estación de servizo e abastecemento de combustible” como unha actividade compatible co uso comercial propio da ordenanza URLI.
Segundo. A rectificación deste erro tramitarase conforme o disposto no artigo 60 da Lei 2/2016, do solo de Galicia, no que respecta ao réxime competencial e trámite de exposición pública: acordo inicial adoptado polo Pleno da Corporación, información pública polo prazo de dous meses, aprobación provisional polo Pleno da Corporación e aprobación definitiva pola Administración autonómica.
Terceiro. Abrir un período de información pública durante un prazo de dous meses, mediante a inserción de anuncio no Diario Oficial de Galicia e nun dos xornais de maior difusión na provincia. Durante este período quedará o expediente á disposición de calquera que queira examinalo para que se presenten as alegacións que se consideren pertinentes».
O período de información pública comezará a computar a partir do día seguinte ao da publicación deste anuncio no Diario Oficial de Galicia.
Vimianzo, 19 de febreiro de 2018
Manuel Antelo Pazos
Alcalde