Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de despedimento/cesamentos en xeral 511/2017 deste xulgado do social, seguido por instancia de José Pose Vieites contra Gacaltec, S.L., Manuel Alejandro Quinteiro Rosende, Aluminios M. Quinteiro, S.L., Neira y Ferreiro, S.L.U. e Fogasa, sobre despedimento, se ditou sentenza co número 40/2018, cuxo encabezamento e decisión son do teor literal seguinte:

«Santiago de Compostela, 30 de xaneiro de 2018

Vistos por Ana María Souto González, maxistrada de reforzo do Xulgado do Social número 1 de Santiago de Compostela, os presentes autos número 511/2017, sobre despedimento, seguidos por instancia de José Pose Vieites, asistido pola letrada Sra. María del Mar Rodríguez López, contra Gacaltec, S.L., Manuel Alejandro Quinteiro Rosende, Aluminios M. Quinteiro, S.L. e Neira y Ferreira, S.L.U.».

«Decisión

Estímase a demanda interposta por José Pose Vieites contra Gacaltec, S.L., Manuel Alejandro Quinteiro Rosende, Aluminios M. Quinteiro, S.L. e Neira y Ferreira, S.L.U., e declárase a improcedencia do despedimento efectuada polas demandadas con efectos do 7 de xuño de 2017, e en consecuencia debo condenar e condeno solidariamente as demandadas a que readmitan o traballador demandante nas mesmas condicións que rexían antes de producirse o despedimento, con aboamento dos salarios de tramitación deixados de percibir desde a data efectiva do despedimento ata a notificación da sentenza, a razón de 64,01 euros diarios ou ben, á elección do empresario, á extinción da relación laboral con aboamento á demandante da indemnización de 2.112,20 euros por despedimento improcedente, sen prexuízo das responsabilidades legais do Fondo de Garantía Salarial.

A opción do empresario entre a readmisión do traballador ou a indemnización por despedimento improcedente deberase exercer no prazo de 5 días contados a partir da notificación da presente resolución, mediante un escrito ou comparecencia ante este xulgado. Transcorrido o dito prazo sen que optase, entenderase que procede a readmisión.

Condeno, así mesmo, a empresa a aboarlle á demandante a cantidade de 1.408,13 euros como cantidades debidas en concepto de salarios debidos máis o xuro de mora do 10 % sobre a dita cantidade.

Notifíqueselles a presente resolución ás partes.

Contra esta resolución cabe recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución; abondará a manifestación da parte ou do seu avogado ou representante dentro do indicado prazo.

Así o acorda, manda e asina Ana María Souto González, maxistrada xuíza de reforzo do Xulgado do Social número 1 de Santiago de Compostela».

E para que lle sirva de notificación en legal forma a Gacaltec S.L., a Aluminios M. Quinteiro, S.L. e a Manuel Alejandro Quinteiro Rosende, en ignorado paradoiro, expido o presente para a súa inserción no Diario Oficial de Galicia e a súa fixación no taboleiro de anuncios deste xulgado.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 1 de febreiro de 2018

A letrada da Administración de xustiza