De conformidade coa disposición transitoria terceira da Lei 39/2015, do 1 de outubro, do procedemento administrativo común das administracións públicas, ao abeiro dos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas interesadas, a resolución ditada polo xefe territorial no expediente administrativo instruído conforme o disposto nos artigos 172.2 e 173 bis 2.b do Código civil, despois dos intentos de notificación realizados sen que fose posible practicar a notificación por causas non imputables á Administración ou por descoñecer o domicilio destas.
O expediente atópase á disposición das persoas interesadas, ou dos seus representantes, no Servizo de Familia, Infancia e Dinamización Demográfica da Xefatura Territorial de Lugo da Consellería de Política Social, rolda da Muralla, 70, planta baixa, onde no prazo de dous (2) meses contado desde o día seguinte ao da data de publicación deste anuncio no Boletín Oficial del Estado, poderán comparecer para efectos de ter coñecemento do contido íntegro da resolución, de luns a venres laborables, das 9.00 ás 14.00 horas, advertíndolles que, de non facelo, se terán por notificadas.
As persoas interesadas ou os seus representantes, debidamente acreditados, poderán interpoñer recurso contra a resolución recaída no expediente, a cal é definitiva en vía administrativa, ante o Xulgado de Primeira Instancia de Lugo, que por quenda lle corresponda, no prazo de dous (2) meses contado desde o día seguinte á data da súa notificación, sen necesidade de reclamación administrativa previa, de conformidade co artigo 780.1 da Lei 1/2000, do 7 de xaneiro, de axuizamento civil.
Lugo, 17 de novembro de 2017
Alberto Linares Fernández
Xefe territorial de Lugo
ANEXO
Nº de expediente: 2008/42/27.
a) Interesados/as:
1º. Natalia Costoya Jul.
Enderezo actual: descoñecido.
2º. Carlos de Sousa da Asunción.
Enderezo actual: estrada de Santiago, nº 137, baixo, CP 27294 Lugo.
b) Asunto: Resolución do 13 de setembro de 2017.
c) Efectos: mantemento da medida administrativa e modificación do recurso.
