Eu, Marta Yanguas del Valle, letrada da Administración de xustiza do Xulgado do Social número 4 de reforzo da Coruña, fago saber que no procedemento ordinario 506/2015 deste xulgado do social, seguido por instancia de José Mosquera Otero contra Falcón Contratas e Seguridade, S.A., nos cales son parte o Fondo de Garantía Salarial sobre ordinario, foi ditada a sentenza cuxo encabezamento e parte dispositiva é do tenor literal seguinte:
«Sentenza
A Coruña, 21 de novembro de 2017
Vistos por min, Patricia López Arranz, maxistrada-xuíza do Xulgado Social de Reforzo da Coruña, os presentes autos de procedemento ordinario nº 506/2015 seguidos ante este xulgado por instancia de José Mosquera Otero, representado pola letrada Catherine Rodríguez Martínez, contra Falcón Contratas y Seguridad, S.A., que non comparece, e contra o Fogasa, que tampouco comparece, procedo a ditar sentenza de conformidade cos seguintes [...]
Decido
Que debo estimar e estimo a demanda presentada por José Mosquera Otero e condeno a empresa Falcón Contratas y Seguridad, S.A. a aboar ao demandante a cantidade de 363,42 euros.
Con intervención procesual do Fogasa.
Notifíquese a presente resolución ás partes facéndolles saber que contra ela non cabe recurso.
Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.
Así o pronuncio, mando e asino por esta miña sentenza».
E para que sirva de notificación en legal forma a Falcón Contratas y Seguridad, S.A., en ignorado paradoiro, expido este edicto para a súa inserción no DOG.
Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 21 de novembro de 2017
A letrada da Administración de xustiza
