Eu, Marta Yanguas del Valle, letrada da Administración de xustiza do Xulgado do Social número 3 de reforzo da Coruña, fago saber que no procedemento ordinario 607/2015 deste xulgado do social, seguido por instancia de Sebastián Gonzalo Díaz Prieto, Modesto Pérez González contra Industrias Reg-Galicia, S.A., Fogasa, Galicia Mundo Recambio, S.L., sobre ordinario, foi ditada a seguinte resolución:
«Sentenza número 603/2017.
A Coruña, 10 de novembro de 2017.
Vistos por min, Patricia López Arranz, maxistrada xuíza do Xulgado Social de reforzo da Coruña, os presentes autos de procedemento número 607/2015 seguidos ante este xulgado por instancia de Sebastián Gonzalo Díaz Prieto e Modesto Pérez González, asistidos da letrada Raquel Rodríguez Viéitez, contra Industrias Reg-Galicia, S.A., que non comparece, Galicia Mundo Recambio, S.L., representada polo letrado Luis Andión Cerdeiriña e contra o Fogasa, que tampouco comparece, procedo a ditar sentenza de conformidade cos seguintes
Decido.
Que debo estimar e estimo parcialmente a demanda presentada por Sebastián Gonzalo Díaz Prieto e Modesto Pérez González e condeno Industrias Reg-Galicia, S.A. a aboas os demandantes as seguintes cantidades:
– A Sebastián: 15.710,36 euros.
– A Modesto: 49.962,83 euros.
As citadas cantidades producirán o xuro legal desde o 27 de setembro de 2012.
Que debo absolver e absolvo a empresa Galicia Mundo Recambio, S.L. de todas as pretensións deducidas contra ela.
Con intervención procesual do Fogasa.
Notifíquese a presente resolución ás partes facéndolles saber o seu dereito a interporen contra ela recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación.
Dedúzase testemuño literal desta sentenza, que quedará nestas actuacións, con inclusión da orixinal no libro de sentenzas.
Así o pronuncio, mando e asino por esta miña sentenza.
Asinado. Patricia López Arraz.
Publicada no día da data.
Asinado. Marta Yanguas del Valle».
E para que sirva de notificación en legal forma a Industrias Reg-Galicia, S.A., en ignorado paradoiro, expido este edicto para a súa inserción no Diario Oficial de Galicia.
A Coruña, 10 de novembro de 2017
A letrada da Administración de xustiza
