ORD procedemento ordinario 26/2013
Procedemento orixe: /
Sobre outras
Demandante: Belén Meis Durán
Procuradora: Marta María Ferradáns Padín
Avogado: Luis Tabora Leyes
Demandado: Andrés Dacosta Señorans
Eu, Luis Fernández-Arias González, letrado da Administración de xustiza de Xulgado de Primeira Instancia e Instrución número 3 de Vilagarcía de Arousa, polo presente
Anuncio:
Que no presente procedemento ordinario 26/2013 seguido por instancia de Belén Meis Durán contra Andrés Dacosta Señoráns foi ditada sentenza coa parte dispositiva seguinte:
«Sentenza 86/2015
Decido
Que, estimando integramente a demanda interposta pola procuradora Marta Ferradáns Padín en nome e representación de Belén Meis Durán contra Andrés Dacosta Señoráns, en situación de rebeldía procesual, debo declarar e declaro a división da embarcación tipo dorna denominada Brisa del Mar, referida no feito primeiro da demanda, sacándoa á venda en poxa pública con admisión de licitadores estraños, en caso de que as partes non cheguen a acordo sobre a súa adxudicación; todo isto, con expresa condena en custas á parte demandada.
Notifíquese esta sentenza ás partes facéndolles saber que non é firme e que contra ela cabe interpor ante este xulgado recurso de apelación no prazo dos 20 días seguintes á súa notificación e que será resolto pola Audiencia Provincial de Pontevedra.
Expídase testemuño da presente resolución para a súa unión aos autos principais e lévese o orixinal ao libro de sentenzas.
Así o pronuncio, mando e asino por esta sentenza, xulgando nesta instancia.
A xuíza
Publicación. A anterior sentenza foi lida e publicada no día da data pola xuíza que a subscribe en audiencia pública, do cal eu, secretaria, dou fe.
A secretaria»
E encontrándose o devandito demandado, Andrés Dacosta Señoráns, en paradoiro descoñecido, expídese este edicto para que lle sirva de notificación en forma.
Vilagarcía de Arousa, 28 de novembro de 2017
O letrado da Administración de xustiza