Para os efectos de darlle cumprimento ao solicitado polo Xulgado do Contencioso-Administrativo número 4 da Coruña, en relación co procedemento ordinario 201/2017, interposto por Manuel Rama Rey contra a Resolución do 26 de xullo de 2017 ditada pola Axencia de Protección da Legalidade Urbanística, no expediente de reposición da legalidade urbanística COR/153/2016-RP1, na cal se declara que as obras executadas en solo rústico, sen autorización urbanística autonómica, consistentes na demolición dunha edificación existente e a reconstrución dunha nova, no lugar de Rumbo, parroquia de Celas, concello de Culleredo, no son legalizables, por seren incompatibles co ordenamento urbanístico e ordena a demolición das obras e reposición dos terreos afectados ao estado anterior ao inicio das obras, así como o cesamento definitivo dos usos aos cales desen lugar, esta dirección resolveu ordenar a remisión do correspondente expediente ao Xulgado do Contencioso-Administrativo número 4 da Coruña.
Ao non poder realizarse a notificación persoal dos emprazamentos, mediante esta cédula (que, ao abeiro do disposto no artigo 44 da Lei 39/2015, do procedemento administrativo común das administracións públicas, LPACAP, se lle notifican por medio dun anuncio publicado no Boletín Oficial del Estado) emprázase a Mª del Carmen Rama Rey para que se poida presentar como interesada nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 11 de decembro de 2017
José Antonio Cerdeira Pérez
Director da Axencia de Protección da Legalidade Urbanística