A Orde do 11 de abril 2017 (DOG núm. 81, do 27 de abril), conxunta da Consellería de Cultura, Educación e Ordenación Universitaria e da Consellería de Economía, Emprego e Industria a través da Axencia Galega de Innovación (en diante, Gain), establece as bases reguladoras e a convocatoria das axudas de apoio á etapa de formación posdoutoral en réxime de publicidade, obxectividade e concorrencia competitiva.
Mediante a Resolución do 23 de xuño de 2017 (DOG núm. 126, do 4 de xullo) adxudícanse as axudas da modalidade A ás entidades que contraten as persoas seleccionadas para unha praza do Programa de apoio á etapa de formación posdoutoral que se relacionan no seu anexo I.
O artigo 18 da orde de convocatoria establece que no caso de que se produza algunha renuncia ou outra causa de extinción laboral, a entidade beneficiaria deberá comunicala á Secretaría Xeral de Universidades ou a Gain (segundo sexa o caso), e que se poderá adxudicar unha nova axuda de acordo coa prelación sinalada na lista de espera, sempre e cando a renuncia se produza dentro do prazo de tres meses a partir da data de publicación da resolución de concesión. O dito artigo tamén indica que as renuncias soamente poderán ser cubertas coas solicitudes da listaxe de espera da modalidade e do órgano instrutor en que se produzan e que a persoa substituta quedará suxeita ás mesmas condicións durante o tempo de aproveitamento da axuda.
En consecuencia, atendendo á renuncia recibida na Gain,
RESOLVO:
Primeiro. Aceptar a renuncia presentada ás axudas de apoio á etapa de formación posdoutoral, modalidade A, presentada polo Instituto de Investigacións Agrobiolóxicas de Galicia do CSIC, correspondente á persoa seleccionada que se cita a continuación:
Nº expediente |
Entidade |
1º apelido |
2º apelido |
Nome |
DNI/NIE |
Rama de coñecemento |
Zona 1º ano |
Zona 2º ano |
Total |
IN606B-2017/012 |
Instituto de Investigacións Agrobiolóxicas de Galicia do CSIC |
Álvarez |
López |
Vanessa |
*****698R |
Ciencias |
1 |
2 |
70,5 |
Segundo. Adxudicar a axuda correspondente a esta renuncia á primeira solicitude da lista de espera, de acordo co artigo 18 da orde de convocatoria, correspondente á seguinte entidade e persoa investigadora:
Nº expediente |
Entidade |
1º apelido |
2º apelido |
Nome |
DNI/NIE |
Rama de coñecemento |
Zona 1º ano |
Zona 2º ano |
Total |
IN606B-2017/001 |
Instituto de Ciencias do Patrimonio (INCIPIT) do CSIC |
Almansa |
Sánchez |
Jaime |
*****703W |
Artes e Humanidades |
2 |
2 |
70,5 |
Terceiro. Declarar extinguidas as listas de espera da modalidade A destas axudas.
Cuarto. Redistribuír o crédito destinado ao financiamento destas axudas entre as entidades alleas ao SUG, segundo a renuncia e a nova incorporación, tal como se indica na seguinte táboa:
Modalidade A (Gain) |
|||||||
Aplicación orzamentaria |
Entidades |
Nº de axudas |
Crédito (en euros) |
||||
2017 |
2018 |
2019 |
2020 |
Total |
|||
09.A3.561A.403.0 |
Instituto de Ciencias do Patrimonio (INCIPIT) do CSIC |
4 |
42.816,66 |
160.000,00 |
158.500,00 |
114.683,34 |
476.000,00 |
09.A3.561A.403.0 |
Instituto de Investigacións Mariñas/CSIC |
1 |
14.944,44 |
41.500,00 |
40.327,78 |
25.227,78 |
122.000,00 |
09.A3.561A.480.0 |
Fundación Profesor Novoa Santos |
1 |
14.944,44 |
41.500,00 |
40.327,78 |
25.227,78 |
122.000,00 |
Total |
6 |
72.705,54 |
243.000,00 |
239.155,56 |
165.138,90 |
720.000,00 |
Quinto. A data de comezo do contrato será o 1 de novembro de 2017.
Sexto. A entidade beneficiaria deberá remitir un escrito de aceptación a Gain no prazo de dez días hábiles contado a partir do día seguinte ao da publicación desta resolución no DOG e vinculará a persoa seleccionada aos seus organismos mediante a formalización do correspondente contrato.
Sétimo. O artigo 14 da orde de convocatoria establece que as entidades beneficiarias e contratantes das persoas seleccionadas serán as encargadas de presentar as xustificacións correspondentes adecuadas á normativa comunitaria e nacional de aplicación e serán as perceptoras dos fondos para o pagamento dos contratos.
Segundo o establecido no artigo 45.2 do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia, transcorrido o prazo establecido de xustificación sen que se presentase esta ante o órgano administrativo competente, este requirirá o beneficiario para que, no prazo improrrogable de dez días, a presente. A falta de presentación da xustificación comportará a perda do dereito ao cobramento parcial ou total da subvención, a exixencia do reintegro e demais responsabilidades establecidas na Lei de subvencións de Galicia.
Oitavo. Contra esta resolución, que esgota a vía administrativa, as persoas interesadas poderán interpoñer recurso potestativo de reposición ante a persoa titular da Presidencia da Gain e da Consellería de Economía, Emprego e Industria, no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou directamente recurso contencioso-administrativo no prazo de dous meses ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 31 de outubro de 2017
Francisco Conde López
Presidente da Axencia Galega de Innovación
ANEXO I
Renuncia á axuda concedida
Outras entidades
Nº expediente |
Entidades |
1º apelido |
2º apelido |
Nome |
DNI/NIE |
Rama de coñecemento |
Zona 1º ano |
Zona 2º ano |
Nota avaliación |
IN606B-2017/012 |
Instituto de Investigación Agrobiolóxicas de Galicia do CSIC |
Álvarez |
López |
Vanessa |
*****698R |
Ciencias |
1 |
2 |
70,5 |
ANEXO II
Axuda da lista de espera concedida
Outras entidades
Nº expediente |
Entidade |
1º apelido |
2º apelido |
Nome |
DNI/NIE |
Rama de coñecemento |
Zona 1º ano |
Zona 2º ano |
Nota avaliación |
IN606B-2017/001 |
Instituto de Ciencias do Patrimonio (Incipit) do CSIC |
Almansa |
Sánchez |
Jaime |
*****703W |
Artes e Humanidades |
2 |
2 |
70,5 |