Eu, Marta Yanguas del Valle, letrada da Administración de xustiza do Xulgado do Social número 4 de Reforzo da Coruña, fago saber que no procedemento ordinario 385/2015 deste xulgado do social, seguido por instancia de Manuel Trigo Lema contra Servicios de Transportes R. Canosa, S.L. e o Fogasa, sobre ordinario, ditouse a seguinte resolución, cuxo encabezamento e resolución son do teor literal seguinte:
Reforzo
Xuíz: Javier López Cotelo
Procedemento: reclamación de cantidade número 385/2015
Demandante: Manuel Trigo Lema
Letrado: Sr. Pedreira Candal
Demandados: Servicios de Transportes R. Canosa, S.L. e o Fogasa
Sentenza 502/2017.
A Coruña, 2 de outubro de 2017.
Resolución:
Estimo a demanda formulada por Manuel Trigo Lema fronte a Servicios de Transporte R. Canosa, S.L. e, en consecuencia, condeno esta a aboar ao primeiro a suma de 1.393,92 euros polos conceptos antes referidos, así como os xuros derivados do artigo 29.3 do ET.
O Fogasa deberá pasar polo resolto na presente resolución e a súa responsabilidade será dentro dos límites legais que procedan.
Inscríbase a presente resolución no libro de sentenzas e déixese testemuño desta no presente procedemento.
Notifíquese esta sentenza ás partes advertíndolles que contra ela non cabe recurso ningún.
Así o pronuncio, mando e asino.
E para que sirva de notificación en legal forma a Servicios de Transportes R. Canosa, S.L., en ignorado paradoiro, expido o presente para a súa inserción no Diario Oficial de Galicia.
Advírtese a destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 2 de outubro de 2017
A letrada da Administración de xustiza