O Pleno da corporación, en sesión que tivo lugar o día 31 de xullo de 2017, acordou aprobar definitivamente o expediente 38/2014.PSEC do Plan de sectorización do ámbito SAUR-4, en Pastoriza, segundo proxecto asinado polo arquitecto municipal Enrique Roel Estrada en data xuño de 2017, levantouse a suspensión do outorgamento de licenzas acordada mediante a Resolución da Alcaldía número 1906/2017, do 5 de xullo de 2017 e entenderonse resoltas as alegacións presentadas de acordo coa Resolución da Alcaldía número 986/2017, do 6 de abril de 2017, mediante a que se aprobou provisionalmente o expediente.

Contra o acordo de aprobación definitiva deste plan de sectorización, instrumento de planeamento que ten natureza de disposición xeral, poderase interpor recurso contencioso-administrativo perante a sala correspondente do Tribunal Superior de Xustiza de Galicia no prazo de dous meses contados a partir do día seguinte ao da publicación do presente anuncio (artigo 46 da Lei 29/1998, do 13 de xullo, reguladora da xurisdición contencioso-administrativa).

O contido íntegro do Plan de sectorización pódese consultar no seguinte enderezo electrónico: http://www.arteixo.org/gl/noticia/plan-de-sectorizacion

Arteixo, 27 de setembro de 2017

O alcalde
P.D. (Decreto nº 1336, do 6.7.2015)
Luis Alberto Castro Calvete
Concelleiro do Departamento de Urbanismo e Medio Ambiente