O Pleno da Corporación na súa sesión ordinaria do 28 de setembro de 2017 adoptou o seguinte acordo:

«Suspender o procedemento de outorgamento de licenzas de edificación de gasolineiras, estacións de servizo ou instalacións de distribución polo miúdo de produtos petrolíferos en todo o termo municipal de Cambre durante o prazo dun ano co obxecto de estudar a modificación das normas subsidiarias de planeamento no cal á ubicación das ditas instalacións e actividades se refire, de conformidade co artigo 47.1 da Lei 2/2016, do solo de Galicia».

O prazo dun ano de suspensión contarase a partir da publicación do presente anuncio no Diario Oficial de Galicia.

O expediente desta suspensión poderá ser examinado por calquera persoa interesada nas dependencias municipais da Área de Urbanismo sitas na casa do concello de Cambre.

O que se fai público para xeral coñecemento e informa que contra o presente acordo, que pon fin á vía administrativa, poderá interpoñerse recurso potestativo de reposición no prazo dun mes contado desde a publicación do presente acordo, de conformidade cos artigos 123 e 124 da Lei 30/2015, do procedemento administrativo común das administracións públicas, ou recurso contencioso-administrativo no prazo de dous meses contado desde a mesma data, de conformidade co establecido na Lei 29/1998 reguladora da xurisdición contencioso-administrativa.

Cambre, 17 de outubro de 2017

O alcalde
P.D. (Resolución 1841/2016, do 18 de novembro)
Juan González Leirós
Concelleiro delegado da Área de Urbanismo, Obras e Medio Ambiente